"Jekh sherutno maj dur ande Vänsterpartiet"

E borda ande e politicno partia Vänsterpartiet phendas ke lengo sherutnipe avla maj dur khar jekh manush thaj na sar khaj sas e spekulatci maj anglal pe 2 sherutne, phenel o sherutno ande partia o Lars Ohly.

O pushipe pa kado te avel jekh sherutno vaj duj ande partia kerdas jekh konfusia. Ke si jekh argumento te aven duj sherutne. Ke atunci avla vi jekh mursh thaj vi jekh djuvli thaj kodo sikadov ke e partia kamel te avel maj moderno.

Jonas Sjöstedt si jekh anda e kandidatura po sherutnipe thaj vov si ekcera brigako pa kodo so e borda phendas ke feri jekh sherutno avla ande partia.

Akanak avla e bordaki vorba pa kado sherutnipe opre lino pe partiako kongresso ande januari thaj atunci avla kadi decizia lini sar avla maj angle ande Vänsterpartiet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".