Chi trobun e skoli te skrin tele e lila te len vård av barn.

"Lila chi malaven tele o hohajipe"

O nevo generalno direktori po Försäkringskassan o Dan Eliasson kamel te lel tele e lila so e skoli thaj e cine skoli musaj te skrin telal kana jekh chavoro sas kere thaj lenge dada vaj deja kamen te len vård av barn.

Jekh shajipe so e dada thaj e deja shaj te len kana lenge chavora si nasvale thaj e försäkringskassa pocinel lenge atunci love.

Sar si akanak musaj e skoli te skrin telal thaj te phenen ke e chavora nas ande skola thaj atunci del e Försäkringskassan love e dadenge thaj dejange. Dan Eliasson phendas ke kado lil chi kerlas kanchi specificno pa hohajipe kado kerlas feri problemo e dadenge thaj e dejange kusa sa byrokratcia e lilenca.

Kado sas diklo perdal de jekh bersh kodolestar kana e Försäkringskassan kerde jekh interno rodipe thaj dine pe dosh ke kado lil chi malavel tele o hohajipe. Akanak si jekh themesko rodipe statlig utredning pe remisso khaj djal jekh dikhipe vaj e firma birin te raportulin korkori kana e dada thaj e deja si khere peske nasvale chavorenca.

Te djala kado avri birija e Försäkringskassan te dikhel ande kodo registrura te djanel avri vaj si hohajipe vaj na.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".