Internationalno

Romano museuem ando Auschwitz

8:32 min

Ando Auschwitz ande polska kothe kaj le niamtsitska nazistura tela e hitleroski regima inkernas o maj baro koncentracino lagero, tordjon zi adjess le 28 blockura. Ande kadal blockura pandade sas le manusz tela o dujto lumako maripe. Adjess birij o manusz te phirel krujal aj vi ande le blockura aj saj dikes sar sas pe kodi vrama, uni blockura kerde te aven sar memoracji le manuszenge kaj hasarde peske trajura kothe. Ando 13 blocko si o museum kaj kerdinoj le romenge. Vov naj dor katar e bari brama kaj del drom ande baza. Me kothe kanna tradem maladzilem le romesa kaj bushol Wladek Kwiatkowski aj kaj ketane peske dadesa vazde kado muzeum, maladzilem lesa te sikavel mange sar o muzuem shutinoj aj so o manusz saj dikel.

O respons le manuszendar kaj so avile te diken kadi vistava si dosta possitivno, ke lashi buci kerdas kaj so vazdas le romengi situacia tela kadi chorri vrama kaj sas, ando dujto lumako maripe. No ferik ke si uni manusz kaj so pennen ke e buci kaj kadi organizacia kerdas naj kade sar kaj trubusardov.

Sako bersz aven karing le 2000 zhene te diken kaadi vistava.

O 13 blocko sar muzeum puterde ando 2003 bersz aj las lenge 13 bersz te kiden intregi dokumentura, patretura aj informacji, nas lokho buci pennel o Roman Kwitkowski kaj si o sherutno la organizaciake Stowarzyszenie Romów w Polsce, aj kaj vazdas kado muzeum.

Fundo pe amari journalistiska si te avas neutralne thaj te pachan pe amari buchi. Sveriges Radio si neutralno thaj chi ljol rig andi politika, religia, ekonomia vaj varesave oficilane prvatne njerimta.
Du hittar dina sparade ljud i menyn under Min lista