Holocaust ano nevo vreme po Roma

5:11 min

O konflikto ani purani Jugoslavia ljiljape katar o bersh 1990 thaj po agor e beshesko 2000 agorisajlo o maripe ando Kosovo. Kana o Nato anda decizia 1999 bersh te bonbardirinol e Srbija te shaj e Kosovo Albania ljen piri republjika thaj oven piro them. Numa vi ano akava maripe kerdape masaker thaj djungaljimata, mashkar ljende sas vi but roma save nashlje thaj mukhlje pire khera kaj djivdinen pire familjia te na mudarenljen.

Kerolpe spekulacia kaj ano Kosovo palji intervencia savi kerda o Nato thaj e Srbijake askeria muklhe o than o maripe thaj mudariba na achilo. Na ne chachi statistika kobor djene mudardilje thaj kobor djen mukhlje o Kosvo palo o bonbardovanje savo naklja, phenolpe kaj dji ko 250 000 srbija thaj roma, gorancia, turkija mukhlje pire khera thaj nashlje.

Amen o radio romano arakhljam pe e romenca save nashlje thaj alje te roden azili ani Shvedska on vakerana amenge pi expirienca so kerdjape ljenca ano kava periodi kana hine o maripe. Hine sar jekh nevo holocaust sar so phenol e Turkana kan hinama ano lako khera.

Kana e Turkan vakerola manca mangola te ashunav e gilji katar o Muharem Serbezovski so giljavola jekh gilji katar o Roma kaj alo o vreme palje te nashen te mukhen pire khera thaj kaj nane e romenge than kaj  te djivdinen. Rovindoj kamol te phenol amege so kerde lake thaj lake familjiake kana sas o maripe ano Kosovo. 

Fundo pe amari journalistiska si te avas neutralne thaj te pachan pe amari buchi. Sveriges Radio si neutralno thaj chi ljol rig andi politika, religia, ekonomia vaj varesave oficilane prvatne njerimta.
Du hittar dina sparade ljud i menyn under Min lista