Internationalno

Whitney Houston mulas

4:00 min

Jek anda le maj bare ikonura ande muzikaki luma mulas, E Whitney Houston. Arakle la ande peski sobba ando hotello ando Beverly Hills savatone, voj reslas zi kaj peske 48 bersz.

Kurke maj dor chi zanenas sostar e artistka mulas. Le polici linne kado ando vas dosta siggo, no feri sar si akana pennen ke naj gindo ke varesosko brott kerdzilas. But spekulacie zan krujal kado incidento, aj kaj sas la kasavi historia pala la gindon but zhene ke e draba kerde kado, no feri naj pendo ke anda kado mulas.

E nevimatongo bjuro o tmz pennel ke e Whitney Houston tasadzilas ande vanna ande peski hotelski sobba. Lako vakto araklas la sar pashlolas muli. Aj panzengo de tehara kurke sweditsko vrama, pende ke e whitney Houston Mulas. But zhene pende ke dikle la sar bavijaspe ando baro kodi raci.

E Whitney Houston shutas pesko garbo sar jek anda la lumake maj bare artistura ando 1980 bersz. Voj kasavi pinzardi sas aj bari ke dinne la o anav ”the voice” ”o glaso”. Laki angluni plaschinka kaj busholas sar voj, aj kaj muklas ando 1985 bersz aj bikinde 25 miljonura exemplarura.

E dujto plaschinka “whitney” kaj mukle duj bersz pala e angluni chi las sa kasave possitivni reakcji katar le kritikura, no feri te dikesa komersionalnie, nas e differancia maskar e angluni aj kadi plachinka bari. Aj vi e kaver plachinki kaj muklas pala kadi sas popularni maskar le manusz aj na maskar le kritikura, dopiera ando 1998 bersz kanna avilas e plaschinka “My love is yout love” linne e kritikura te asharen la pale.

Po agor anda 80 talet, maladzilas e whitney Houston aj o Bobby brown. Kadi relacia vaj förhållande vazde but aj bari rubriki ande medji tela e desz bersz kaj zukarnas le. Intrego 90-talet perlas o bobby ande problemuri drabenca aj vi le haladenca.

Karing o 2000 bersz pelas vi e Whitney Houston ande drabba aj lengi relacia sas vazdini ande media butivar. 2003 bersz reslas o Bobby Brown pe krisi anda kode ke mardas la houstona. Ando 2007 bersz dopiero shindas voj drom lestar, vaj muklas les. E drabba palem chi birisardas e whitney houston soha te mukel.

Voj sas jek anda le maj pinzarde artistura aj drago bute manuszenge. Reslas kaj peske 48 bersz, aj ame mindik serasala kade.