Kritika avilas po Swedfund anda lengi investering

Varningura sas aba dorumt khaj Swedfund

E zutimaski organizacia Swedfund kerdas jekh investatcia kusa biståndspengar, zutimaske love ande jekh etanoloski produktcia ande firma Addax Bioenergy ande Sierra Leone, Afrika.
Kado kerdas ke e manush so trajin kote ashile bi pajesko thaj bi habesko kana kadi firma las lengi phuv.

Akanak mangen e manush so kote trajin zutipe khatar o Shvedo ke aba si za bari bokh

Ekot shundas bute manushendar ke von sas shutine te den avri peski phuv a firmake pe 50 bersh thaj e firma pocinel lenge 3 dollari thaj 20 centi pe sako dopash hektari ando bersh.

Anders Craft so si sherutno po Swedfund si vi ande borda ande Addax bioenergy thaj vov phenel ke si ekcera problemura ande Sierra Leone numa phenel pashe ke e firma kerel but buci akanak te lashiarel kadal problemura.

Biståndsministerka Gunilla Carlsson chi kamelas te avel ando Shvedicko Radio te del kommentari pe kadal bucia. Kenneth Hermele so si ekonom pe zutimaski organizatcia Forum Syd delas bari kritika pe kado thaj phenel ke kado mezij pe sar te avilov kado ande e bersh 1800 kana sas europaki kolonia ande afrika

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".