Nationalno

Drabba pe pubbura

Maj but sar sako deszto swedo zumadas vaj pelas ande situacji kaj varekon las drabba kanna zan ande pubbura vaj resteranura. Kado sikavel jek rodipe kaj o Novus kerdas la organizacijake Krogar mot knark, aj kaj si jek koaperacia maskar le polici, le chefura le resteranonge aj  aj vi bare organizacji.

Ando rapporto sikadoj ke ande bare forura si le drabba sar maj but, sar ando Malmö, Göteborg aj Stockholm, aj maj but maskar le 18 berszengire za kaj le 29 berszengire.

O Daniel Knutdzon kaj kerel buci po krogsektionen anda Stockholmspolici.

Mange delpe ke kado si jek normalisering, ke kadala gruppake naj chudaso o temato pa drabba, ame sam karing le 8 zhene kanna keras buci po agor le kurkesko, aj shutine sam te arakas vorta kasave manuszen kas si drabba vaj kaj linne drabba. Aj paschi sako razo rapportulisaras karing le 20 zhenen ke drabaslej, vaj ke sile drabba kanna zan pe pubbura vaj resteranura. Pennel o Daniel Knutdzon.

O krogsektionen si jek kotor anda le polici kaj keren buci la organizaciasa Krogar mot knark, aj von sicharen le manuszen kaj keren buci ande pubbura, aj sile vi civilini polici krujal le resteranura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".