Peter Mangs ande krisaki sala. Foto: Stig-Åke Jönsson/Scanpix.

Krisi kharing o serieskytten anda Malmö laspe adzes

Serieskytten tordzol ande krisi
4:55 min

Adzes laspe e krisi kharing o Peter Mangs kaj pindzaradoj pe mudarimata thaj pushkajimata kaj line than ando Malmö mashkar o bersh 2003-2010. E krisi zian ande Malmö tingsrätt ande jekh zurales securno krisakisala. Peter Mangs pindzaradoj pe trin mudarimata thaj 12 zumajipe kaj mudarimata.

Thele phandade droma, le manush kaj aven andre thaj avri pe krisi musaj than pherdal dhikiline vaktondar,dhiken le vaktura ande posochia, techki, thaj thela ghada. 

Dopash pe inja jokhor laspe e krisi ande jekh securnosala ando Malmö tingsrätt kharing o Peter Mangs. Jekh anda mudarimata kaj pindzaradoj o mangas si o mudaripe kharing o 65 bershengo Kooros Effatian anda Lindängen ando juni ando bersh 2003.

Solveig Wollstad ghinadas le trin maj bare punktura pe save vov pindzaradoj thaj tordzol ande krisi pe lende, o angluno pa 65 bershengo Kooros Effatian, kothar pa 23 bershengo mursh kaj araklels mudaredes ande jekh trapphus, klatka vorta angla pesko kher ando juli bersh 2003 thaj pe 20 bershengi ziovli kaj sas pushkedini ande pesko vurdon ando Västra Skrävlinge kyrkovägen ando Malmö.

O pindzarado morderca o Peter Mangs sas andino ande krisakisala ande jekh parno ghat thaj suri kalci, thaj phenen ke meziaspe ke nas les chi sosko intereso pe sakofalo so kherdzolpe krujal leste, sar kaj phenen oinstresserad mezias, ziopon las e krisi thaj muklas te zial pe gloshnjikura o phaluno telefonsamtal khatar e policia ziopon huchilde les, khodo vazdas lesto intereso phenel o DN:s reporter kothar pa than o Ola Rothenbog.

O Peter Mangs pherdal pesko advokato Douglas Norking phale chi pindzaravelpe kaj le punktura kaj si kharing leste phendine, jokvar ande jekh polisförhör phendasas o Mangs ke vov chi pindzaravelpe kaj khadal punktura thaj ke naj chaches.

Ale pindzaradaspe kaj duj er kriminalni buchia, kaj phenel ke das pushke peske pishtolosa kaj si jekh Glock-pistol pe duj dromeske tabli, vägskyltar.

Sar beshel o Peter Mangas phala kodi mesala ande krisakisala thaj shunel e prokurorka maj dur ghinavel opre leske punktura.

"Trin mudarimata

"12 razura zumajipe kaj mudaripe, mordförsök

"Planura kaj mudarimata

"Darajimata thaj shkodi

E Solveig Wollstad ghinavelas opre intregi razura kaj sas pushkajimata, tex pushkajipe kharing jekh moské, kharing jekh mursh sar  trenulias pe jekh gym, kharing jekh mursh sar beshelas ande pesko kher, khadal si ferik exemplura pe leske punktura.

Pherdo bevis si araklino ande lesko kher khana e policia dhiklas les pherdal.

Peruki, golovura, hjek techka kaj sas la hjek specialno avri shinipe vorta phala hjek pishtolo, hjek huva shipka kaj sharuvel intrego muj, laserrsikte, ruzni dzelura kaj trobun tu pe ljuddämpare, khadal si ferik unji bevismaterial kaj sas arakline ande lesko kher.

E policia intrego vrama po jakto sas te huchilen kodolen kaj kheren khadal pushkajimata thaj mudarimata, ale kaj sas la policiaki dosh sas ke buth vrama las lenge te den pe dosh ke khado sakofalo sas kherdo khatar hjek manush, von ghindinas ke krimianlni gäng sas phala khado sakofalo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".