Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Polici chi mukhen manuszes te vorbij advokatosa

Publicime tisdag 15 maj 2012 kl 10.25

E sweditska gränspolici chi mukle jekhe  manuszes kaj avilas anda tjetjenia sar flykting te lel kontakto peske advokatosa – vareso kaj si jek chachipe dinno sakoneske. O Emilkhan, sar o flykting kaj bushol, no les linne le polici aj garude.

Kanna le polici avile te huchilen le Emilkhanos, te ingren les avri anda them, las les ångesto aj chindas peske vas brittvassa. Pala kado manglas vov te shaj vorbijpe peske advokatosa, savo si lesko chachipe, no feri ke le polici chi mukle pe kado.

Le manuszesko advokato o Martin Lundgren, zumavel te huchilel kontakto le Emilkhanosa, feri ke chi zal. Avilas le advokatoske jek lil kaj skirij ke le polici linne kasavi decizia ke anda securita chi purin kaj inkren le Emilkhanos.

Kaj le gränspolici ando Sörmland, kothe kaj linne kadi dicizia, pennen ke von linne la pe sa kodo grundo sar o Justitiombudsmannen kaj kerdas ando 2009 bersz, kanna le polici kerde sakade karing jek afghanistanitsko familja.

O Justitieombudsmannen chi kamel te del kommentaro pe jek individualno situacia, no ferik ke e Lina Forzelius kaj si e sherutni po bjuro ando JO pennel ke chi birij o manusz te shol o grundo pe kodo so kerdzilas ando 2009 bersz aj te achares kade ke saj pandaves tele o drom maskar jek kliento aj jek advokato.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".