Globalt Fotoprojekt
Nationalno

Globalno organizuimo fotografering

2:56 min

15 majo 2012 duj Shvedoske fotografia organizuindje jekh globalno foto-projekto e anavesa "A Day" kaj savore kon kamen andi drago lumija shaj te keren jekh fotografia avdjes. Akala fotografie save avdive kerenpe ka dokumentirinolpe, thaj maj palal ka mothonpe sar sas o djivdipe e manushego.

Thaj odoljestar rodolpe savorendar kas isi kamera te keren jeh fotografia katar piro djivdipe avdive thaj te mothos javerneg.

Interesantno si te mothovolpe o djivdipe e mansuhego javer generacienge sar amen djivdindjam exaktno ano akava dive 15 majo 2012 bersh.

Ko jekh than e Marika Stolpe thaj o Jeppe Wikström ljilje incitaiava akalje projektoske "A Day". Thaj but manusha kerde peske registracia ani webb rig thaj phenolpe kaj dji akana regstrindjepe kotar o 190 thema anda drago lumija.

Gindo si vi te kerolep jekh knjiga pe sa e fotografie save ka aven akava dive 15 maj 2012 bersh, thaj ka kerolep jekh exzibicia sa e fotografienge save aven akava dive ano, Kulturhuset ano Sthlm ando Världskulturmuseet ano Geteborgo indo november chon.

O Jeppe Wikström kamol vi te phenol kaj sa odola mausha save keren jekh fotografia avdive te birin te mothon vareso so shaj e fotografia te mothol katar o chacho djivdipe avdive.

Interesantno ka avol palo 500 ja se 1000 bersh te kamla vareko te pravol e arkiva e fotografienge so kerde o manusha akava dive 15 majo 2012 bersh. Phenol o Jeppe Wikström.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista