Zutipe e chavorenge andi shkola.
Nationalno

Neve shkolake reforme e chvorneg save aven ani Shvedska

Edukaciaki reforma e chavorenge save aven ano Shvedo
4:39 min

Maj but vrama ani shkola e chavenge save aven neve ano Shvedo, dol proposalo o regeringo ani jekh nevo reformako paketi e shkolako. Gido si te peravolpe e bi lache rezultati save mothodjepe ano paluno vreme, thaj te shaj ovol jekh poshukar integracia, phenol e edukaciakoministari o Jan Björklund savo kerdja presentacia akalje proposaloske ano kurko savo nakhal ko jekh than e jekhibaske ministrosa thaj e integraciako ministrosa o Erik Ullenhag.

Kana o chavore aven ano shvedo sar 12 beshenge thaj shaj chi gelje shora andi shkola mothovol shaipe kaj shaj achove bi fundone shkolako. Odoljeske amen kama re lundjara e shkolaki vrama e chavorenge ki fundoni shkola dji ke 18 bersh, te shaj ljen pobuder lekcie thaj sikljovibe telal jekh termini e shkolako.

Avdive piri gimnazia shkola ani shvedska agorinen numa 63 procentia kotar e chavore save si bijame ano jekh javer them. Akija bi lachi cifra savi o regeringo mothovol si odoljetsra so e chavore save aven ando shvedo mothoven kaj na gelje but bersha ani shkola thaj kaj si maj phure se so si e javer chavore save djan andi sa jekh klasa.

Avdive e chavore save si kotar o jever them thaj djan andi 9 klasa mothovol kaj ljen numa si 4,5 bers shkola. Ano bersh 2001 akija cifra hine dji ke 6 bersh shkola. Odova so o regeringo kamol te kerol mothovol si jekh reformako paketi te zutinpe akija grupa chavore saven nanen but bersha shkola te shaj agorinen e fundoni shkola.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".