Foto: Jessica Gow
Nationalno

But anda ternimata kaj rhoden asylo hasajven

Ternjimata hasajven
4:18 min

But anda ternimata kaj aven jekziene ando Svedo thaj rhoden asylo, garadzion te si kade ke chi line permisia te ashen ando them thaj risikulin te aven avrishudine. Ferik kado bersh hasajle 75 ternimata. Thela panch bersh maj but sar 600 ternimata hasajle. O 17 bershengo Gana kaj chachimasa si les kaver anav si jek anda lende.

O Gana phenel, jekzieno simas gindias ke diliajvav, mansa vorbias. Kana zurales bokajvos rhodos pala pushki te shaj pantaulij. Araklem e IKEA, si le zurales lezno hotdog kaj kherel ferik panch koroni. Atunchi kote trados thaj hos sako djes.

O Gana rhodas asylo te avel ando Svedo, ferik ke jivende o paluno bersh chi acceptulisarde lesko rhodipe thaj chi las permisia te ashel ando them. Na dur pala kodo mukhlas vov pesko than kajle ternimatata kaj aven jekziene ando them, ke daralas tena shuden les avri anda Svedo, ke vov daral te tradal palpale ande pesko kherutno them.

 Vov phenel ke zjipon avilas ando Svedo sas vov darado katar jek kriminalno gruppa vaj sar jek maffia ando pesko them. Vov musajtin terne manushen te kheren kriminalni bucha, thaj atunchi darajlas o Gana thaj nashlastar ando Svedo. Kana mukhlas pesko than po asylo tradas vov ando Stockholm, thaj nas les kaj te trajij.

Me trados tunnelbana zjipon chi ashavelas te tradel. Ashavel te tradel kade jekesko vaj dongo jokor. Pala kode zukaros te zial pale. Kodo sas cirka shtarengo. Atunchi zios po gershi te sovav. Sovos zi ohtongo sako djes, ke gindojas ke kam avna e kontrlantura pala ohto.

 O paluno bersh rhode opral 2600 shavora thaj ternjimata kaj so avile jekziene asylo ando Svedo, thaj kado zukaren ke avna opral 3000 ziene avna. Cirka sako shtarto naj slobodo te ashel ando Svedo thaj atunchi alon but anda lende te garadzion.

O Migrationsverket phenen ke ferik kado bersh hasjle 75 ternjimata. Thaj de sar o 2006 bersh cirka 600 ziene maj dur rhodinej. But anda lende mukhen peske tana kaj so trajin kana daran ke site avel e polica te anen le. O Migrationsverket chi zianen kade but sarij kadale ternjimatonge. Ando Malmö si la polica informacia ke hasajle 20 ternjimata thela kadal shon. O Peter Norén si kriminalinspektoro ando gränspolisen ando Malmö.

Vov phenel ke te avilov varesosko adresso te rhoden vaj tipso atunchi rhodamas, ferik ke naj ame kanchi. Jivende o paluno bersh las o Gana zutipe katar jek khangeri ando Stockholm aj sovelas pe jek madraso kote. Thaj angla kodo nas les kaj te zial.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".