nationalno

Sherutna anda Expressen doszaloj anda vapenbrott

E gazeta Expressen, lengo chefredaktör o Thomas Mattson aj inke duj pajtasha, jek o nyhetschef aj jek reporteri, ashile doshale katar o Malmö tingsrätt, po punkto vapenbrott 

Kado laspe desar kindesas jek puska 24 oktober ando 2010 bersz, atunchi kanna jek serieskytt pirlas pa malmö aj le polici pende ke pherdo puski si ando foro.

E gazeta expressen kamenas te den pe dosz sar pharesi te arakes aj te kinnes jek puska. Phala 5 chasura avilas o reporteri palpale jekha puskasa. Kerde jek baro artiklo pa kado, aj e puska dinne kaj le polici.

E gazeta pennel akana ke kado so von kerde sas journalistisko buci, te diken sar pharesi te arakhes aj te kinnes jek puska ando Malmö. O Thomas Mattson pennel ke nas vapeninnehav ke von ciak dinne e puska le policienge.

O Thomas Mattson las o verdikto ke shutas o gindo te keren vapen brott, o nyhetschef las verdikto ke zutisardas ande kadi dzela, aj o reporteri anda kodo ke leste sas e puska.

O Strafo si vilkolig dom aj mandatura. E kris ilas kadi decizia te del le jek maj cino strafo anda kodo ked inne palpale e puska le policienge.

Kodol kaj keren buci po Expressen site diken vaj kerna jek appelacia pe kado verdikto vaj na.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".