Nationalno

Zutipe e romenge ando Luleå

Luleå si pilot komun
3:39 min

Luleå si jekh katar e pandj komune savi birisarda o regeringo te ovol pilot komun te ovol majmishto inkluderin e romege ani komuna. E maj imoprtantne puchimatonca save ka keren buchi si te phagolpe e dsikriminacia, marketi e buchako, thaj te aven e roma ando sistemi kaj train.

E duj pheja e Maritza thaj e Mirette Palm, save si jekh 16 thaj e javer 20 beshengi phenen kaj alo o vreme te zutin e romen sostar maj anglal chi zutisrade amen gade but e romen ani komuna Luleå, amen pacha kaj akava ka dol lache rezultatia phen e duj pheja.

E pandj komune o Malmö, Hälsingborg, Göteborg, Linköping thja o Luleå ka keren buti ko jekh than thaj ka mothon pire ideje sar te kern buti. O projekto pilo komune ka kerol buchi shtar bersh katar o 2012 dji ko 2015, thaj maj palal sa e ideje save mothon lacho rezultati ka delpe vi javer komunenge ando drago them te ovol po lacho inkluderin e nationalne minoritetienge.

Ka ovol pobuder djanibe ando e themske institucie katar e roma andi e shkol ka sikljolpe katar e nationalne minoritetia te ovoljen djanibe sar te phagolpe e diskriminacia thaj (utanförskap) te na ove avrial o sistemi kaj djivdine. Bute terne romenge na djal shukar ani gimnasia shkola, thaj si vi but djen save na agorinen vi piri fundoni shkola. E 20-beshengi Mirette Palm si jekh katar odola save na agorindja piri fundoni shkola. 

But var kana djava andi shkola me javer amala phenen mange djungalje vorbe thaj godo kerda mange te perol miri motivacia te na lundjarav miri shkola phenol Mirette Palm. E Mirette Palm phenola kaj akana trubula lake e shkola, hacharol kaj hasrada but andi vrama, thaj kaj vi akana so phiravol pe peste e tradicionalne gada kerolpe but diskriminacia pe late kana djal ande lavke thaj javer thana. Me kamav te ovol man jekh buchi so shaj te ovol man sa odova so trubl mange sar sare javer manushen save train ando Shvedo. 

Reporter: Anna Widén/P4 Norrbotten

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".