nationalno

Nevi kenva pa Raoul Wallenberg

Raoul Wallenberg
3:43 min

Kanna le russura huchilde le Raoul Wallenbergos ande Budapest ando 1945 bersz, sas 15 kili sumnakaj pasha les, aj vi simadza kaj varti sas bare love. Aj anda kado saj gindojas o UD ke o Wallenberg sas ande Budapest anda peske bucia, aj saj anda kado vi sas o UD kade passiv pala varesode vrama desar huchilde les.

Kado pennel o Bengt Jangfeldt kaj si decenta aj vi kaj zanelpe pe russia. Vov si kadal djess te mukel jek nevi kenva pa Wallenberg.

Pe kodi vrama zanas hiri ke o Wallenberg kerlas biznessura aj bucia pe pesko vas anda peski hasna. Aj te sas kade atunchi acharel o manusz sostar o UD chi das maj but zor pe kadi situacia. Pennel o Bengt Jangfeldt.

O sumnakaj saj avel sostar le russura huchilde les pennel o Bengt Jangfeldt. Ke von saj gindonas ke o sumnakaj sas le nazistongo kaj o wallenberg garuvelas katar e loli armia.

E situacia ande Budepest ando 1945 bersz sas kaotisk. O Wallenberg sas te resel ando östra Ungro, kothe kaj vov sas te maladzol le maj baresa anda le sovjetiska ketani. Pala kado sas o Wallenberg te tradel maj dor opre, ke o Wallenberg garudas le sumnakaja aj le barvalimata kaj le zidovura dinne leste, ando tanko la matorako, aj sas te resel ando swedo lenca. Kado das o Bengt Jangfeldt pe dosz kanna kerlas le rodimata krujal kadi kenva.

Aj o Bengt Jangfeldt chi pachal ke o Wallenberg zumavelas te chorel avri le sumnakaja te peren leske.

Naj chi soski vorba ke o Wallenberg saj kerdov kasavo dzelo te chorel avri sumnakaja kaj naj leske aj te shol le ande posochi. Maj siggo birij o manusz te dikel ke intrego leski buci sas shutini kade ke anglunimastar ratulisardas aj zutisardas ezera zidovon, ke das le sweditska lila habenata, aj kodo so trubuj le manuszes. Aj kothar sas te annel lenge lenge barvalimata, zipun e luli armia sas te del pe budapest aj te kerel la plundra. Pennel o Bengt Jangfeldt.

So kerdzilas le sumnakasa aj le barvalimatonca, konnik chi zanel. E Wallenbergos huchilde le sovjetiska kontraspionaget aj shute les ande temlica, o Jangfeldt gindoj ke von chorde le simadza.

O Sweditsko ministro ande Moskva, o Staffan Söderblom maladzilas ando 46 bersz le sovjetistsko diktatorosa le Josef Stalinosa. Aj so vorbinas sas ferik pa o Raoul Wallenberg. O Söderblom pendas leske ke vov bizijpe k evarekon huchildas le Wallenbergos chorarde les aj vi mudarde les.

Vaj ame varekanna dassa po agor so chaches kerdzilas aj so o Raoul Wallenberg petsisardas, chi zanel o Bengt Jangfeldt.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".