Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Reinfeldt si kriticno karring e obligatci

Nevo kerdo onsdag 23 maj 2012 kl 14.46
Publicime onsdag 23 maj 2012 kl 10.20
reinfeldt si kriticno karring e projektobligatci Foto:Scanpix Montage: Sveriges Radio

Adjes kidden pe sherutne ministrura ando Bryssel te den vast pe neve propozalura so birija te vazdel opre a europaki ekonomia.  Akanak si o statsministro kriticno karring e ghindura so si pa e buci sar te lashiarel pe ekonomiake problemura ande europa.

Kana o Reinfeld sas avri pushlo adjes khatar o riksdagens EU-nämnd phendas vov ke inke chi djanel pe sekurno pe so kadal projektobligatci si te zutin.

Vov si vi kriticno ke e renti si te vazden pe opre ande e ,aj stabilni thema sar ando Njamco thaj phenel ke kam avla za cini e renta ande thema khaj trobusardov te avel maj uci e renta.

E Marita Ulvskog so si socialdemokraticno Eu-parlamentariker kamel te agorij pe pe o extremismo pe kodo ke sa droma phandavel pe thaj kamel te dikhel neve investatci khatar e thema sar exemplo ande energiake bucia te lel pe e maj lashie vrami ande europa.

O Gunnar Hökmark so si moderat EU-parlamentariker phenel ke maj feder avilov te kerdov pe kaver bucia thaj te avel jekh zakono pa intrego europa te avel jekh maj lashi konkurensia so kerel sakofalo maj lezno khaj o konsumento.

E ghindura djan ande but riga khaj e politikura numa arachi das o organo so lel e decizi ando EU vast pe kodo te kerel pe buci kusa projektobligationer.

Pa kado djala o adjesutno topp khedipe ke kadal obligatci dena zor khaj o Europako investeringsbanken kusa 10 miljardura euro.

E europake thema birina te len kadal obligatci ando unzulipe thaj pala kadal obligatci pocinela pe vi renta thaj chi avla bari differencia mashkar e themenge renti khaj e bankura.

Adjes si bari differencia mashkar e renta so njamco pocinel thaj savi renta gracia pocinel.

Numa kado ke si te del pe maj but love unzule khaj e thema si vi debattovano mashkar e shvedicka Eu-politikura, e Maria Ulvskog phenel ke trobuj te kerel pe kodo thaj o Gunnar Hökmark si skepticno khaj kado ke vov ghindoj ke za but love del pe unzule mashkar e thema.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".