Loreen njerisarda o ESC e djiliasa "Euphoria". Foto: AP
nationalno

Loreen njerisarda o Eurovision Song Contest

3:01 min

Savato sas o baro finalo ando Eurovison Song Contest 2012 ando foro Baku kaj si o cherutno foro ando Azerbadjan, kon njerisarda o contest sas e Sveditska Loreen e djiliasa Euphoria. Akana o Svedo si pe dujto tan pe savo tem njerisarda majbut contestoria, o svedo njerisarda pach dati. Pe pervo tan si o Iralando kaj njerisarda efta dati.

O Loreen sas arakadjilo ando Stockholmo o 16 oktober 1983, laki njamoria si anda Marocko aj lako chachi anav si Lorine Zineb Noka Talhaoui.

Voj sas ando Idol 2004 aj arisli pe jek schtarto tan so vorta si ke chi arisli ando finalo kudo bersh. Ando bersh 2011 voj sas ando milodischlagerfestivalen aj arisli ferdi kaj o ”andra chansen” e djiliasa "My Heart is Refusing Me kaj sas vi kudo jek baro hit aj sas pe o svedisko toplista opral pe 19 kurke.

Lako djili Euphoria si pe pervo tan sar o maj ashundo djili ando 13 evropaki tema te dikes pe e lista pe Itunes.

Ferdi djesa maj anglal sar te lelpe o baro finalo kado bersh pachte chudenas la lat avri ando contest ke pendas variso banges ando madia pe manuchengi chachipe so chi platchalas e regima ando Azerbadjan, sostar si kadja si ke o tem sas les but problemi vorta karing o manuchengi chachipe.

Voj njerisarda o contest pe 372 poängi so sas 113 poängi majbut sar o Russia kaj arisle pe dujto tan kon e djiliasa ”Party for everybody” katar e princharde puria kaj buchon Buranovskije Babusjki

Akana si te dikas but aj ashunasa but katar Loreen voj si te avel kere ando Svedo ariat aj si te jal pe jek milajeski turnè…

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista