Na buth terne anen phenge familien ando Shvedo

Nevi statestika anda Migrationsverket sikhavel ke ferik jekh anda desh shavora vaj ternimata kaj aven korkora ando Shvedo andine vramasa pesa varekas anda phengi familia sar anhöriginvandrare. 

Ando debatato pa khado avilas bhutivares opre ke buth shavora kaj korkora aven ando Shvedo de anglara avri bishadej anda phenge thema specialjnjie khodole ghindosa te shaj kothar cirden phenga familia pesa ando them.

Ando zakono si ke buth anda korkora terne vaj shavora si lenge slobodo te anen penca dejan thaj daden pejan thaj phralen sar anhöriginvandrare.

Ekot dhiklas pherdal sode ziene po chaches kherdine khado, anda 4200 terne so line pacha ando them mashkar o bersh 2007-2010 si ferik 10 procnti anda lende kaj cirdine penca phenge familien, kodo bushol anknytning.

Sa khetane si 1 130 ziene kaj avile kaj le korkora shavora ando Shvedo, ande khadi cifra si ghinade vi kodol kaj ansorisajle le korkore shavorenca save aba pherdzile 18- bershenge.

Ankarbarn sar kaj phenen pe khadal shavora vaj ternimata si jekh patreto kaj le komunakepolitikantura den khado phenel o bilo rikspolischef thaj landshövdingen Björn Eriksson kaj kherdas ando bersh 2010 jekh rodipe kharing khado ande komuni kaj len pherdal kasave shavoren, thaj ande pesko agorimasko raporto skirisardas ke buth na lashie situaciji las sama ale khado pa ankarbarn si leske o maj seriosno.

Thaj phenel ke bhutivares mezias leske khado argumento jekh drom ferik tena len pherdal korkore shavoren.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".