nationalno

Unik rodipe karing le utlandsfödda

Manusz kaj naj anda swedo si maj skolni
5:25 min

Le manusz kaj arakadzile ande kaver themma, len si maj uche skoli sar kodole manuszen kaj arakadzile ando swedo. 70% procenti anda le manusz kaj naj anda swedo aj kaj trajisarde 5 zi kaj le 10 bersz kathe  , von si za skolni pe kodol bucia kaj len si. Le manuszen kaj naj anda swedo pherel butivar jek shonesko pochin kaj si sakasavo sar le zuvlan po sweditsko marketo, jek kaver bajo si ke le muslimura kaj aven ando swedo, lengo pachape kerdjol maj slabo.

  

Kadal si uni anda le resultatura kaj dinne po agor kanna o universiteto o Linnecenter pe integraciake studji kerdas jek rodipe pa levnadsnivå.

Kado si o angluno razo kaj keren jek rodipe karing le manusz kaj chi arakadzile ando swedo, te den po dosz sar e situacia mezij kanna vorbij o manusz pa skoli, bucia, ekonomia aj religia. Karing le 3500 zhene dinne jek detaljovano intervju pa peske trajura. Aj o plano si te den gata o rapporto karing e tomna, no ferik ke le forskare abba akana saj sikaven uni resultatura anda rapporto. O Carl le Grand kaj si professoro ande sociologi aj o Mahmood Arai kaj si nationalno ekonomo kerde kado rodipe kaj pennen leske unik.

Zi akana chi zanenas kade but pa le manusz kaj naj anda swedo vaj utrikesfödda, pennel o professoro Carl le Grand.

Ando materialo saj dikes ke chache sas le gindura kaj le manuszen sas pa le utlandsfödda. Ke kadi gruppa butivar trajij ande maj cine khera kaj si hyreslägenheter aj vi pochinen maj but ande hyra sar le inrikesfödda. Vi o saschipe maj choroj kaj le manusz ande kadi gruppa, no e majoriteta acharel ke o trajo ando swedo lashioj.

Ando rodipe kerde kade ke ulade le manuszen ande geograficni regioni, aj kanna dikes po utbildning, si le manuszen kaj chi arakadzile ando swedo maj ucho procento kaj nakle uche skol isar le themutne manuszen, pennel o Jonas Karlsson kaj si doktorand, aj kaj sas o sherutno manusz pe kadi studia.

Kade ke o gindo ke le manuszen kaj aven anda kaver themma si maj choro vaj maj slabo utbildning sar le swedon, saj mukel o manusz, pennel o Jonas Karlsson

Aj iva si kadale manuszen jek ucho utbildning, musaji lenge butivar te len bucia kaj von chachimasa si överkvalificerade. O rodipe sikavel ke karing le 70 procenti anda le musaji te len jek buci kaj chi ilij lenge utbildningosa.

Kado ke but resurser aj vi bare kunskaper vaj zanglimata, chi lel o them pe hasna.

Le murszenge maj pharesi te len tan ando samhälle sar le zuvlange. Le mursz naken diskriminacia feri so shunen lengo anav, aj vi o shonesko pochin, kothe si kadale murszen maj cino lov sar le murszen kaj arakadzile ando Swedo. Le murszen kaj naj anda swedo perel zuvlane löner pennel o Carl le Grand.

Sako deszto manusz kaj naj anda swedo bishavel love peska familjake ande kodo them katar von aven. De malavesa kado avri pek bersz saj pennes ke karing 6000 koroni andek bersz, aj maj but bishaven kodol kaj aven anda Afrika, Asia vaj Latinamerika, sikavel o rodipe.

E religia sas jek kaver pushipe ando rodipe.Ke but manusz kaj muslimuraj aven ando them, pale za hohavnoj. Anda le manusz kaj aven ando swedo anda opruni Afrika aj Mellanöstern naj chinna 50% anda le muslimura. Saj pennes ke le muslimura kaj aven si jek minoriteto maskar kadal manusz.

Karing le 14 procenti anda le muslimura kathe acharen ke trakasserade sas anda peski religia. Aj inke so, so maj lungo vrama trajij o manusz kathe ando Swedo so maj cinno kerdjol o pachape, pennel o forskare aj doktorand o Jonas Karlsson.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".