Nationalno

E komune brigake sar ka zutinen e azilantien

E komune si brigake sar ka zutin e azilantien
3:55 min

Si jekh bari briga ano komune kobor lovengo zutipe ka ljen kotar o stato, kana but azilantia save ljilje o ljila ano Shvedo anen pe familjien ano komune. E majbari grupa save anen pire familjia ano Shvedo te train si e manush kotar e Somalia. Mashkar e desh komune enja ljendar daran sar ka ikljon ko agor e lovenca ando komune kaj but familjie aven te djivdinen mothol i ankenata savi kerdja o SR International.

I Växjö komuna si jekh kotar e komune savi adjukerol bute familjien te aven te train pe familjiasa ano bersh savo avol phenol o moderat kommunalrådet o Bo Frank savo si vi brigako. 

O stato dol amen e komunen i rensponsibilita te ikljova kotar akija kriza korkori sar komuna. Thaj na del amen ekonomsko zutipe savo si amaro maj baro probljemi te alje but familjie te djivdinen ani amari komuna.

Dzi akava alo so o krisi ano Migrationsverket andja jekh decizia savi dol shaipe e manush save ljilje o ljila te achon ani Shvedska shaj vi te anen pe familija te train ljenca.  

Prekalji jekh prognosa savi o Migrationsverket kerdja phenolpe kaj adjukerolpe te avol ano Shvedo dji ke 20.000 manusha katar e Somalia te train pe familjiasa save ljilje o ljila ani Shvedska ano akava bersh thaj ano bersh savo avol.

E Borlänge komun si e komuna saven si majbut manusha andi sa e Shvedska kotar e Somalia. E komuna si bar ekonomske probljemia thaj adjukerolpe kotar o miljöpartistiska kommunalrådet Nils Gossas te rodol kotar o rigeringo te arakhol e komunake varesave solucie.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".