Romane chave sikljon te kheljen.
Kultura

Malmö Ungdomscentralen

Malmö ungdomscentralen
8:45 min

Ando Malmö trajin karring 8000 rom thaj mashkar kadal rom si vi but romane organizatci. Kadal föreningura maren pe anda e romenge chachimata thaj anda romani kultura.

Mashkar sa kadal romane föreningura si jekh föreningo khaj boldel pe karring sa e ternimata na feri e romane ternimata feri karring sa e ternimata ando Malmö.

Kado föreningo bushiol Malmö ungdomscentralen thaj kamel te del savorenge jekh mishtipe kelimasa, te djal e integratcia mashkar e rom thaj e kaver manush ando Malmö vast vastesa.

O Shavo so inkrel kado föreningo bushiol Mirsad thaj vov phenel sostar von kado keren.

Mirsad si jekh terno rom khaj si angazovano ando Malmö thaj kerel but buci e romenca. O Malmö ungdomscentralen si leske drago thaj kadale föreningosa keren von kursura kaj sitcion e ternimata differentne kelimata.

Sako bersh keren von vi jekh festivalo thaj o Mirsad phenel ke paluni data sas von karring 50 djene so khelenas khatar o Malmö ungdomscentralen.

Mirsad dikhel ke lengi buciasa a khelimasa kerel but buci e ternenca kusa lengo identiteto ke vov dikhel ke but romane ternimata hasaren pengo romano identiteto numa o khelipe ande lengo föreningo inkrel o identiteto maj dur.

Vi te zurarel kado khelipe o identiteto thaj del treningo phenel o Mirsad maj dur ke e skola, e edukatcia si maj vazno e ternenge..

Anda kodo inkren von maj cerra kursura kana e skola djal thaj kana avel e vrama kana e skoli agorin pe djan e khelimaske kursura maj but.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".