Kommuni shaj pocinen dejange ke naj dagis

O regeriungo si te kerel jekh rodipe te dikhel vaj e kommuni si te pocinen jekh strafo kodole familjenge khaj lenge chavora chi birin te len jekh than po dagis pe vrama.

Te perla jekh pocinimasko straffo pe kommuni kerna e kommuni maj lashi buci thaj e chavora djana maj sigo po dagis phenel e vice utbildningsministerka e Nyamko Sabuni.

De khatar o bersh 1995 si jekh zakono khaj kerel ke e kommuni musaj te arakhen jekh than po dagis e cine chavorenge tela jekh vrama pe 4 shon.

Numa vi te si kodo zakono chi keren e kommuni dosta lashi buci thaj vi kade zukarel but manush pe thana po dagis.

Ola Spännar si jekh dat so phenel ke von zukarde maj but vrama sar 4 shon ando Enskede so si ando Stockholm thaj kodo kerfas lenge jekh ekonomicno problemo ke nas kon te ashiol e chaovrenca kana von sas te djan ande buci thaj kana von ashile khere e chavorenca nas len chi soske love anda buci.

Problemo ando them si ke naj chi soski statestika pe kodol manush so musaj te zukaren maj but vrama thaj ande save kommuni kado kerel pe.

Kado si o rodipe anda regeriungo te arakhel avri.

O maj paluno rapporto so avilas anda Skolverket de 3 bersh kodolestar sikavel ke 42 anda e themeske 290 kommuni chi birisardov te den jekh garantovano than po dagis tela 4 shon thaj e Nyamko Sabuni phenel maj dur ke e kommuni nashtik te phenen maj dur ke naj len lokalura vaj ke naj len thana ke za but chavora si ande kommuna, von birin te keren kado feri te keren maj but prioritatcia pe kado pushipe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".