Foto: Berit Roald/Scanpix Norge.
nationalno

Shtar murch sas dine verdiko ke sas te keren terroristno acctzia

Shtar murch anda Stockholmo sas dine verdikto adjes ke sas te keren jek terroristno attacko karing o gazzeto Jyllandsposten ando Dinamarko ando december 2010. Pe ultimo ando december 2010 sas trin murchen line katar e politzia ando jek apartemento ando Köpenhamn.

Kado sas kerdo pala kudo ke sas le jek intensivno spaning karing kadala murchen katar e politzia ando Svedo aj Dinamarko.

Pala kado sas maj jek murch lino ando Svedo.

Ando apartamento sas araklino puchki aj but love, 20.000 dollar.

Andi jek matora so le murch line aloe sas araklino majbut puchki aj vi arakle but buntband so le murch sas te pandaven tele manuchen lenge vas.

Sostar le murch kamenas te keren kado si ke von kamenas te den parpale kaj o gazzeto ke von kerde publicera le patretoria pe o profeto Muhammed kaj sas kerdo sar jek pirasengo patreto, kado sas o bersh 2005.

O åklagare vasda pesko case pala kado ke sas but ashundo tele lengo telefoja aj vi pe kado ke jek anda e murch penda ke sas planuime o attentato,

le kaver trin penen ke von sas ando Köpenhamn Dinamarko te bichinen kadala puchki aj nas planuime jek terroristno attacko.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista