Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

E roma ando Cirkus

E roma ando Cirkus
6:12 min
E roma ando Cirkus

Save si dumutane pindzarde romane bucha, save achon po trajo ja se hasvon. Jekh ljendra save e rom sas pindzarde si o Cirkus. Den tume gindo te shon trin vaj star sabli ande tumaro kirlo, dari feri te gindos o gindo, no kado kerlas o Hans Gyllenbäck po desvar andek djess. O Hans gyllenbäck si jek resande rom kaj trajij ando Swedo de but bersz palpale, vov de terno kerlas buci ando circus, vaj andek romano variteé, leski rolla sas te nakavel chura, vaj svärdslukare. Ame po radio romano butivar vazdam opre le fahura kaj saj ginadzon le romenge….. no kado inke nas vazdino.

So shaj pennav pa le rom kaj inkren varitetura…….Pe bute tannende ande Europa maj dor si rom kaj trajin pe kado, sar ando francuzo vaj ando njamtso. O Hans Gyllenbäck pennel sar sas te keres buci andek varité aj so sas maj popularno…..

Shaj pennes ke e akrobatika sas e maj popularno, pe kodi vrama pennas lenge gummovi manusz, aj kadal manusz lenas te sichon abba kanna sas stare berszenge, kanna kasave cinne sas abba birinas te piren pe vas naprimier, pennel o Hans Gyllenbäck.

Lesko papo lelaspe kadalesa kade ke vov barilas ande kado, aj vort lesko papo sas jek svärdslukare kade ke vov las kado pala les, pennel ke naj farligt te nakaves shura, kadalesa birij o manusz te sichol kaj si o problemo si ke kanna le manusz kaj beshen ande publica len te azban le shabli peske vastenca kerdjol o riziko pe infikcji maj baro.

Le rom ande purani vrama aj vi ande adjesutni chi inkrenas circusura, feri ke variteter, e differancia si ke pe varieteter naj le zvezentura, aj maj skurtoj o show. O Hans Gyllenbäck pennel ke kado normalnie shaj ginadzol sar jek romano faho.

Kedo birij te pennav, ke vi te dikesa adjess, si but rom ande francia niamtso aj vi ande dania, kaj trajin kadalestar. Aj te tordjos pe scena aj te keres upträda manuszenge, kado zanas ke paschi sakone romeske dragoj, pennel o Hans Gyllenbäck.

Kanna o manusz ginnavel ande litteraturi pa le romane varitetura, vaj kanna sikaven le ande kinura, butivar kadej ke e varitetura sikaven givni manuszen, duje sherenca, vaj varekon kaj birij te kerel vareso kaj konnik chi birij sar te bolden avri peske vas. Chaches kade sas vaj kado si feri jek hohavni hira, o hans gyllenbäck pennel so vov serel.

Naj chaches, no ferik ke sas, me serav, e krodol zuvli, e chorasli zuvli, aj le manusz pochinenas te diken kadalen, adjess kanna dav ma gindo pa kado brigako sim, aj mange delpe ke adjess navet chi avilo slobodo te keres kade. Me chi pachav ke kado sas vareso feri kaj le rom sikavenas…….pennel o Hans Gyllenbäck.

Vov sar kaj pendem barilas ande kado, aj te avilo les chansa vazdov vov kado po dujto?

Kamlov te avilo kade ke o manusz shaj trajisardov pe kado, kade ke vov chi bizijpe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".