romano gav

Romano Gav

13 min

Romano gav…hm…so si chachimasa kudo?

Si kudo jek butchi pe so shaj trajil o manuch bi te avel jek dar so avela kana pirel o manuch ando gav, si kudo jek dar ke si te avel love vaj naj djesa pala djesa ? Kado diavno si jek divano so but manuch chi penen avri numa me araklem jek juvli kaj si anda peski lashe 35 bersheski aj trajil peski romesa aj peski trin glatesa.

Voj bechli mancha tele aj penelas mange sar voj lape te pirel ando gav, aj vi penelas so voj gindilas pe kado numa o pervo puchipe so sas man ando shero sas kana voj lape te pirel, sodengi voj sas ?

Akana sar ashundan jek chuvli te penel sar voj asharel pe kado tema musaj sas mange te arakav varikon kaj si maj puro aj kaj pirda ando gav de but bersha aj kaj si murch.

Rodem aj rodem aj pe ultimo araklem jek rom kaj si ando pesko bersha aj vo sas ferdi 11 bersheski kana lape te pirel ando gav. Kana ashundem kado pendem mange korkoro ke WOW kado si chachimasa sar me kerdem jek patreto pe o trajo romano. Musaj sas mange te jav angle te janav majbut pe pesko gindoria pe kado tema numa maj anglal sar lam ma puchlem lestar kon sichardales te pirel ando gav o romano.

Akana sar ashundam duj interesno historia pe sar manuch piren ando gav o romano musaj sas mange te arakav varikon kaj si rom aj alosarda te na pirel ando gav te janav sostar alosarda kudo manuch te kerel butchi gashikano.

Pe ultimo araklem jek chavori kaj penelas mange ke kerda butchi de 15 bersh aj nas la chi jek gindo te pirel ando gav o romano.

Tume akana vi ashundan sar si manuch ando romanipe kaj chi chirdenpe kaj o romano gav. Sar beshav av dav ma gindo akana kana ashundem kadala trin manuch te penen pengi versiona pe romano gav aljardem ke jek truno djela si o romano gav aj ke varikaj sa le trin preferin te avel lenge butchi gachikano te shaj avela sa pe tan aj te avela majbut ordina ando lengi trajo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista