Foto: Fredrik Sandberg/Scanpix.
Nationalno

Maj but manush acharen ke korrupcia si ando Svedoske komuni

Korrupcia ando Svedo
4:50 min

O byggsektoro sikadzilas ke si o maj korrumpovano kotor anda intrego svedisko ekonomia, thaj e morce kaj si ando medelåldern sikadzilas ke si e maj nasul aktorura ande kadal bucha. E manush kaj den pe dosh thaj den opre kadal bucha pe korrupcia si privatni manush thaj journalistura. Kado sikavel jek rhodipe kaj dhikle pe 130 agorime bucha korrupciake ande komuni thaj landsting kaj sas dhiklo pe lende katar o Statskontoret.

Ando rhodipe si o rapporto "Köpta relationer - Om korruption i det kommunala Sverige" vaj kinde relaciji - Pe korrupcia ando komunalno Svedo. O rapporto sas dino kaj o regeringo adjes. E rhoditora phenen ke dichol dosta zurales ke e koruppcia gelas katar e komuni thaj landsting kaj e komunalni firmi.

E statistika thaj o gindo pala kado rhodipe sas prezentulime adjes pe jek konferanso ando Stadskontoret . O Johan Mörck si jek anda rhoditora. O Johan Mörck phenel ke e korrupcia sar von kaj acharen la si ke jek manush kaj si ande pozicia ande sar exemplo komuna hasnij peski pozicija kade ke njirij vareso pe kado vaj kherel ke varekon kaver njirij. Ferik ke vov phenel ke chi zial te dhikes direktnie pe siffri vaj statistika ke vazdas pe e korrupcia ferik ke pala e rhodimata dichol ke manush acharen ke vazdas pe.

Me pushlem katar o Johan Mörck so site kerdziol akanak maj angle? Birija kado rhodipe kaj von kherde akanak te kherel varesoski diferencia? 

-Chi zianas, ame dam amare proposalura thaj o rhodipe e regeringoske. Thaj kado pushipe si dosta pharo ke diferetni rekomendaciji trobuj dine diferentni depatementonge. Unji rekomedaciji dinej kaj o regeringo, unji kaj o SKL vaj kaje komuni aj landsting. Impotantnoj te acharas ke ferik kaj sam uches ande statistika sar jek them kaj si csera korrupcia, naj musaj te avel kade. Phenel o Johan Mörck.

Vov phenel ke o atveto te arakes vaj o lösning pe korrupcia pharesij te phenes. Anda kodo kecsera zianas pa kavere themego systemo karing e korrupcia.

O Johan Mörck phenel ke trobuj maj lasho protecto le manushen kaj kamen te aven avri kodolesa so dhike vaj shune kana avel kaj e korrupcia.

-Trobuj te avel varesosko protecto manushenge kaj kamen te aven visslare, kodo si ke kamen te phenen so dhikle. Butivar zianas ke kasave manush sar exemplo hasarde peski buchi anda kasace bajura phenel o Johan Mörck anda Stadskontoret

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".