Propozalo pe integratciaki politika - Folkpartiet

Folkpartiet 8 punktura
5:59 min

Folkpartiet kamel te vazdel opre jekh nevi integratciaki politika ando Shvedo ke phenel ke za but manush so trajin ando Shvedo chi birin te aresen maj angle ande jekh maj lashio trajo ke chi djanen te vorbin e shvedicko chib mishto.

Adjes skirisarde von jekh artiklo ando DN ke o shvedo si jekh them so trobuj te mukhel andre maj but immigranton ke atunchi aven neve influenci ando them thaj ke mishtoj kana aven neve buciara neve firmenca ando them.

Kote sas vi skirisado ke o shvedo si te del pe ghindo pe kodol manush so nashentar anda penge thema thaj aven ando shvedo te trajin ande paca thaj te trajin maj feder.

Anda kado si vi importanto te avel jekh lashi integratciaki politika ando them thaj kodolesa den von pesko propozalo pe jekh integratciaki politicno programo kusa 8 punktura.

Jekh anda e punktura si jekh purani idea so Folkpartiet mukel thaj kodo si ke musaj te djanen svedicko chib e manush kana von kerdjion svenska medborgare thaj kado punkto si anda kodo ke kana djanel pe shvedicko chib ke atunci avla maj lashi integratcia phendas o Jan Björklund so si sherutno ande Partia.

Adjes sas o Jan Björklund avri pushlo ande P1 morgon khatar o Lasse Johansson thaj kote zumavlas o Jan Björklund te phenel ke lenge propozalura pe maj lashi integratcia naj nasul feri lashi ke but manush aven anda kaver thema khaj naj len bare skoli thaj anda kodo trobuj kadale manushen skola sigo te sitcion e shvedicko chib te birin te integrin pe maj sigo ando them.

Jekh kaver punkto so vazdas reaktci sas kodo ke Folkpartiet kamel te hasajvel o föräldrarpeng - o lov pe cine chavorra so arakhadjile ande kaver them.

Jan Björklund phenel ke si but manush si trajin but bersh khere penge chavorenca, vi te naj siffri keci kade trajin.

Ghindoj vov thaj e partia ke avilov maj feder te hasajivel kado föräldrapeng pe kodol chavora ke atunci aven avri maj sigo e dada thaj e deja pe buciako marketi.

Kadal 8 punktura ande integratciaki politika so Folkpartiet zumavel te vazdel vazdel reaktci.

Mehmet Kaplan so beshel ando riksdagen thaj si gruppchef ande miljöpartiet si zurales skepticno pe kadal propozalura thaj phenel ke kadal ghindura si purane thaj naj lashie thaj kana si te dikhel pe, pe kodo ke folkpartiet inkrel e integratciaki politika e regeriungoske shaj o manush te del pe ghindo po dujto.

Kadal propozalura vazden vi raktci mashkar e rom, Rafal ghindoj ke kadal punktura kerna maj but pharimata ando Shvedo sar te avel maj feder.

O punkto pa chib si feri jekh buci so von keren te cirden glasura phenel o Rafal.

Jekh kaver punkto so kerla problemo si o punkto khaj e manush musaja te kidden pe ande kaver thana te len buci, ke te na kiddena pe von hasarna von pesko ekonomsko zutipe. Kado punkto si phares e immigrantonge phenel o Rafal ke e immigrantura musaja te mukhen peska familja thaj kodo kerla ke but manush chi kiddena pe ande kaver thana.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".