Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Shaj aresel krisa pala Euro ando Shvedo?

Publicime onsdag 13 juni 2012 kl 10.25

Pindjardo si ke si ekonomiake pharimata ande europa thaj ande kodol thema so si ande Euro - coperatcia.

Na dormut sas bare skirimata ande sa e medie ke o greco las but love unzhule thaj perel akanak ekonomicne tele. Kam avla vi kade ke o greko avla o angluno them so cirdel pe avri anda euro-coperatcia.

Pala kodi krisa manglas e Espania 100 miljardura Euro unzule thaj las vi jekh possitivno atveto khatar o ESM.

ESM si europako stabilitetno mekanismo thaj von si te den unzule akanak 100 miljardura Euro a Espania te birin e bankura ande Espania te nakhen e phari kriza ando them.

100 miljardura euro si opral 900 miljardura koroni.

But ekonomura harnden penge shere thaj den pe ghindo vaj kado sas mishto kerdo khatar o ESM numa o finansministro Anders Borg phenel ke kado sas mishto kerdo thaj phenel pasha kado ke vov pacal ke kadal love avna dosta te vazdel opre e bankonge krizi ande Spania.

Pala kado unzulipe reagulisadas o Stockholms börsen possitivne thaj gelas opre.

O baro pushipe so si akanak khaj e ekonomura ando shvedo si keci vrama kado possitivno trendo djala thaj so kerla pe a ekonomiasa ando Shvedo pala kado baro unzhulipe so espania las.

Tor Borg si sherutno ekonomo ande themesko banko SBAB thaj vi vov chi djanel sar te del atveto pe kado pushipe thaj pushel korkori vaj kado znacil pe ke e Europa feri djal ande maj chorre vrami?

O finans ministro Anders Borg phenel ke naj bari ekonimcno dar ande Shvedo ke o Shvedo naj andre ando EMU thaj ke naj Euro ando Shvedo.

Thaj chi dikhel kanchi negativno ke espania las kade but love unzhule feri dikhel pe kado possitivno, pasha kado phenel vov ke e shvedos naj kasave bare bucia ketanes kusa e Spania thaj ke ando Shvedo dikhen von intrego vrama pe ekonomiaki situatcia te na avel ekonomiake problemura.

Vi te si o finansministro Andres Borg possitivno si but kaver ekonomura skeppticne thaj o Tor Borg phenel maj dur anda banko SBAB ke si dar kodolesa so kerel pe krujal e thema so si pasha medelhavet ke kodo shaj te djal vi ande kaver thema ande centralno europa thaj atunci perla e krisa pa intrego europa thaj inkrela lungo vrama.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".