Foto: Patrik Åström/Sveriges Radio.
Nationalno

Maj phares te les permisia kana rhodes asylo po dujto

Kerdzilas maj phares manushenge bi lilengo te len permisia te ashen ando them vaj uppehållstillstånd kana rhoden asylo po dujto. Varekana lenas pravje intregi permisia kana rhodenas po dujto, anda kodo ke atunchi butivar trajisarde ando Svedo but bersh thaj line jek grundo. Ferik ke pala jek verdicto ando 2009 bersh, si akanak e possibilitetura buthesa maj slabi vi kodolenge kaj trajisarde ando Svedo but vrama. Jek anda kodol kaj thele malade leski applicacia po dujto si o Teimur Zahiri anda Iran, thaj vov trajisardas ando Svedo 10 bersh.

-Mange zurales choresij. Me trajisardem kathe 10 bersh. Thaj chi birij o te tradav palpale. Von zianen so kerdziola mansa. Vi mura romjake choresij, me chi birisardem o te dikhav mura romja 10 bersh, mange zurales choresij, phenel o Teimur Zahiri kaj leski romji thaj shavora maj dur ando Iranoj. Anda le cirka 20 000 ziene kaj malaven thele lenge applicaciji, bishaven khere e maj buthen cirka 15 000 ande phengo kherutno them.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista