Foto: Roger Vikström & Lotta Jarlsdotter (teckning)/Scanpix.
nationalno

Livstid le sherutneske anda Södertäljenätverket

O sherutno anda Södertäljenätverket las pesko verdikto anda krisi adjess, livstid. Aj but kaver manusz kaj pangle sas ande kadi buci linne strafura kaj si bersza.

Po sherutno sas e punktura ke shutas kaveren te mudaren, kerdas kidnappa, zumadas te mudarel manuszen. Les doszarde pe inja punktura aj anda kado las livstids temlica.

Vi le sherutnesko kuzino las temlica, 12 bersz anda kodo ke mudardas varekas aj vi zutisardas te mudaren.

Kadale krisake pennen e swedoski maj bari krisi karing e maffia, so po sa sas 20 zhene dinne pe krisi. E punktura kaj vazdine sas pe krisi , si mudarajipe plano te mudaren, grovt rån aj ke chorde manuszen.

16 anda le linne lungi strafura la krisatar, katar temlica po livstid zi kaj temlica katar jek bersz aj 6 shon, skirij e södertälje tingsrätt andek pressmeddelande.

Duje zhenen chi dinne chi sosko strafo.

O advokato le sherutnesko o Fredrik Ungerfält pennel ando TT ke von si appelacia te keren pe kado verdikto.

-Chi zukaras kado, aj akana si te dikas so o hovrätten pennela, pennel o Ungerfält.

E krisi zan abba dek dopasz bersz aj e polici kerde buci but bersz te kiden matrealo karing e mafiaki gruppa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".