Kado djes sas mundarde 3000 rom ando Auschwitz
nationalno

Adjes si o "Zigenarnatten"

2:00 min

Si te avel jek memoroski cermonia pe so si akardo "zigenarnatten" o ariat e romenge kana sas 3000 rom mundarde ando gasoski szobi ando Auschwitz maschkar o ariat katar o dujto aj trito Augusti o bersh 1944. Si testemonia so penel ke le rom kerde surales karing e njamsitsko ketani kudo ariat te na aven mundarde numa von sas todine te jan jek pe jek kaj lengi mundarimos.

O Otto Moll sas o manuch kaj sas le o kommando katar o nazistako politzia SS te kerel kado actzia karing e rom. Pala kado si vorta kudo ariat akardo o "zigenarnatten".

Sako bersh si chidine romani organisatsia aj manuchenge chachipe organicatsia ando intrego evropa te vasden kado djes.

Kado si jek manifestia te vasden kudala manuchen so sas mudarde aj vi lengi familji.

Kado vi si jek manifestia te sikavel che fugo shaj chasarel jek minoritetni manuchski gruppa pengi chachipe.

Kado bersh si te avel ando Stockholmo aj pe tan kon si te avel si e Mona Sahlin so sas e partiako cherutna ando Socialdemokraterna aj vi e Lena Posner-Körösi so si o cherutno ando jzeduisko Cantralno-rådet.

Kado si o trito bersh so si vasdino kado cermonia ando Stockholmo pe o Raoul Wallenbergs tan ando foro. Kado si karing le chaso duj djese.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista