Folk: Scanpix
internationalno

EU parlamento kamel te ulavel le azylanton

Le asylsökande kaj aven ando swedo shaj kerdzilo pe dopaszeste maj cerra, te kerdov kade ke maj feder uladov le pe le kaver themma ande Europa. O Europaparlamento inkrel akana jek pushipe, no ferik ke o sveditsko regeringo naj possitivno karing kado proposalo.

Sar si adjess naj mishto ulade le manusz kaj aven te roden azylo ande Europa. Ke 9 themma anda EU len karing le 90 procenti anda intregi manusz kaj aven te roden azylo kathe.

Aj o Svedo tordzol dosta uches pe kadi lista, po starto tan, pala Francia, Niamtso aj Italia. Butt hemma anda centralno europa chi len azylanton karing pes safchem.

Aj anda kado kamel akana o Europprlamento te kerel kade ot le azylantura te aven maj feder ulade krujal e europa.

O förhandlare anda Europakoprlamento, o cyprioto o Kyriacos Triantaphyllides pennel ke navet jek barvalo them sar o Svedo kam chi birij te lel karing pes kachik azylanton sar kaj akana keren. Aj atunchi trubusardov le kaver themma anda EU te zutin.

Shaj avla aktualno te bishaven le flyktingon ande kaver themma ando EU, themma kas naj kade but azylantura pennel o Kyriacos Triantaphyllides.

Le rodimata kaj e EU-kommisa kerdas sikavel ke te kerdov kade sar o EU prlamento kamel cinnolov e siffra pe azylantura ando Svedo shaj zi kaj le 64 procenti, vaj pe 28 000 maj cerra zhene kaj roden azyl.

E EU-kommisia shutas akana jek proposalo te shon jek systemo kaj sako them te kamel shaj lel peski responsibilita aj te len le azylanton karing pes, aj kado proposalo chi naklas. Aj e sweditsko EU-kommisionerka e Cecilia Malmström brigakij anda kado.

Le themma anda EU chi kamen te mukan anda vas kodo kaj kerel kade ke sako them dicidulin pa e azylpolitika. Vi o Svedo kaj chachimasa shaj nirisardov pe kasavo modello pennel ke chi kemal kade te keren. O Migrationsminister o Tobias Billström pachal ke kasavo modello kerdov feri te vazden pe problemura maskar le themma ando EU.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".