Radio Romano

Nevi projekta te zutij pe romen ando Göteborg

Bi kherenge
8:50 min

But anda kadal manush so avile anda Rumunia ando shvedo trajin chorres, butivar dikel pe kadale manushen kana von beshen thaj cirden e musika khas kanikas chi chaljiol, kaver anda kadal phiren vaj beshen pe differentne thana thaj mangen love thaj si vi kodola so phiren krujal thaj roden flaski thaj burkar te birin te keren kado panta.

P4 Göteborg kerde jekh reportage khaj sikavnas von sar uni rom trajin ando Göteborg. But anda kadal rom so avile trajin avral, kaver trajin ande penge vurdona thaj si vi kodola so zumaven te arakhen penge jekh kher.

Von maladjile jekhe romesa khaj trajij peska romniasa thaj peske chavesa ando jekh vurdon mashkaral ando Göteborg. Lengo 6 bershengo chavo phirel ande shvedicko skola thaj o o rom thaj leski romni phirel krujal ando foro thaj zumavel te arakhel differente flaski thaj burkar te birij te kerel kado panta.

O rom vorbijas ke von toven pe pe differentne thana thaj soven ande shudro vurdo thaj ke univar trobuj te uscien pe raciate te startulin pengo vurdon te na pahon pe za but.Vov agorij e vorbenca ke vi te si lenge phares kadale trajosa ando shvedo si kado trajo zurales maj lashio sar ande rumunia.

Kado reportazho vazdas reaktci ando foro Göteborg ke o P4 Göteborg akardas e politikos khaj si kommunalråd o Dario Erspiga. Vov sas pushlo sostar kade si akanak ke aven but manush anda Eu-thema thaj trajin akanak avral ando Shvedo.

Dario Erspiga phenel ke vov chi chuddij pe katar kado, ke kado si pa intrego europa ke aven manush te mangen thaj trajin avral thaj phenel ke kado si jekh problemo pa intrego europa.

Vov phenel maj dur ke o foro chi birij te zutij sa e manushen so aven anda kaver thema feri trobuj te len sama pala penge manush so trajin ando Foro. Vov achiarel ke phares si kadale manushenge thaj anda kodo kamel e kommuna te zutij humanitarne organizatci te keren von jekh maj pashe thaj maj lashi buci kadale manushenca so aven anda Rumunia.

Numa e responsebilita naj e forosko ando Göteborg pe kado feri e Europaka Unia, von si doshale ke e Europaki unia trobujas te shiol zurale zakoni pe thema so den andre ando EU te na kerel pe kade sar khaj si akanak thaj te inkren e thema e manushikane chachimata.

Ando Göteborg das e kommuna zutipe jekha humanitarna organizatciake khaj bushiol Räddningsmission. Kote keren 2 rom buci thaj jekh gadji te maladjion e romenca anda rumunia thaj te zutin len.

Ion si jekh rom anda Rumunia khaj trajij ando Shvedo de 5 bersh, vov kerel buci akanak ande kadi projekta thaj vov phenel ke von zutin kadale manushen khaj phenel pe hemlösa ando Shvedo.

Ion phenel ke von zutin bute romen so trajin kote numa ke inke neve si thaj anda kodo si inke but rom so inke chi djanen pa lengi buci.

Problemo si kadale manushen ke von si papperslösa, phenel o Ion. Len naj e shtar palune siffri ando personnummer thaj atunci chi birin von te len avri peski medicina. Thaj pashak kodo pehel o Ion ke zurales but musaj kadal manush te pocinen te si kade ke musaj si lenge te djan khaj o doktori.

Maj but buci kamlov o Ion te kerel zutimasa e manushenge numa chi birij ke naj len dosta azutipe pe kado.

Ion lel sama ke but manush dikhen banges pe e rom so avile anda Rumunia thaj ke but manush ghindon ke von si barvale ande Rumunia thaj aven ando shvedo feri te keren penge extra lashie love.

Numa kado naj o chachipe phenel o Ion maj dur.

Akanak kerel o Ion thaj e duj kaver manush buci te zhutij pe e romen anda rumunia.

Räddningsmissionen mangel akanak vi zutipe khatar e manush so trajin ando Göteborg. Te si kade ke si e manushen extra välling, perne vaj chavorenge vurdonora-barnvagn vaj purane gada chavorenge shaj von te aven ande Räddningsmissionen ando Göteborg te mukhen kado kote.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".