Khade mezi e Gaza phala atakura.

Trin shvedicka shavora inkerdej ande Gaza

Shvedicka shavora inkerdej ande Gaza
2:30 min

Trin shvedicka shavora inkerdej ande Gaza thaj naj kanchi zianglo pa lende de sar line pe le atakura,  vogule chi zanen chi le shavora trajin vaj na. Le shavorengi dej e Monica Granath phenel ke naj la chi sosko kontakto le shavorenca de sar o 8 november thaj ostatno razo kaj vorbisardas lenca phenenas lake ke choresi lenge kothe.

Le trin shvedicka shavora kaj inkerdej ande gaza si 9, 10 thaj 13 bershenge. Lengo dat las thaj ingerdasle po semestro ande Egyptia ando eftato shon ando juli, thaj anda Egyptia tradine maj dur ande gaza, kotej kaj le shavora inkerdej.

Ale ziopon nas le atakura ande Gaza le shavoren sas kontakto la dejasa ale de sar le atakura line than hasajlas o kontakto vogule.

O Utrikesdepartamento chi biri te phenel chi le shavora inke trajin vaj na, ke zial phala konsularno sekretes kaj chi biri te del komentaro chi sas ando direktno kontakto le shavorenca vaj na.

Ale e Ola Philblad anda kanslirådet phendas ando SR International ke ando Utrikesdepartamentet naj chi soski informacia pa shavorengi situacia, ferik shaj phenel ke le shavora trajin.

E palestinien naj phangli ando Haagkonventionen thaj khado kherel zurales phares le myndighetonge anda Shvedo te zutin kothe.

Utrikesdepartamento phenel ke zi kaj khadi vrama kharing le 150 shavora si kaj avri ingerdej anda Shvedo, ale khadi cifra zukardi te avel inke maj uchi.

Haagkonventionen si jekh kontrakto kaj sas kherdino ando 1980 bersh jekh kontrakto pe internationalni shavora kaj kheren le bortföra, o kontrakto si phanglo 83 themenca.

Te si khade ke jekh shavoro si avri ingerdo anda thema ande jekh Haagkonvention them atunchi o utrikesdepartamento biri te shuvelpe andre thaj te zuti te anen phalpale le shavoren vaj shavores.

Ale khana naj phango ando Haagkonvention atunchi pharesi, sar ande khadi situacia kaj si e Palestinia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".