ERRC Cherutno Gergely Dezideriu
nationalno

Evropaki Roma Rights Centro njeril Human Rights Award prisa adjes

Human Rights Award- ERRC
3:35 min

O cherutno ando Evropaki Romano Rights Centro Gergely Dezideriu penel sar e organizatsia kerel butchi karing rasismo aj diskriminatzia karing e rom ando Evropa. Vo penel ke von sumaven te jan karing le regeringoria aj karing le sakonoria save si diskirime karing e rom, sar von kado keren si ke von representulin e romen aj vasden e casoria ando nationalno krisa aj vi ando internationalno krisa sar for examplo ando internationalno krisa ando Strasbourg.

Majdur mangas te janas so von agosarde tala kadala bersh sar von kerde butchi?

-Ame but michto getosardam te vasdas krisa pa diskriminatsia karing romen ando manuchengi chachipeaki krisa.

Ame lam te las jek erkännande ke diskriminatsia aj övergrepp karing romen si jek dosh aj ke kado musaj te getol ando sa o evropa. Ame vi arislam te las kompensatsia ando 500 casoria tala 15 bersh sar keras butchi e romenge, aj vi sumavas te las majbut kompensatsia pala kudo ke ame dikas ke le regeringoria ando evropa chi ton dosta sor pe e romenge chachipe ando evropa.

Kado prisa so von len katar o Advokatssamfundet ando Svedo so shaj del lenge kado pe maj angle aj sar aljarde von kana von line te janen ke von njeridarde kado prisa?

-Amenge kado si jek baro losh te las kado prisa aj te avas prinjarde ke kerdam jek but lasho butchi. Kado si jek prinjarimos dino katar jek but prestigo kommitsia aj vi pe dujto vas kado si jek prijarimos kaj sa e romenge ando Evropa ke si vasdino e puchipe pa diskriminatsia so si karing e rom ando Evropa.

Kado si amaro butchi te vasdas aj te avel prinjardo e diskriminatsia karing e rom ando evropa aj kado si amenge but importantno.

Aj pe ultimo me gindiv ke vi si kado jek importantno prinjarimos e manuchenge kaj beshen ando evropa te janen pa o dikriminatsia so jal karing e rom ando Evropa.

Kado pendas o Gergely Dezideriu kon si o cherutno ando Evropaki Roma Rights Center.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".