Priso
nationalno

Aratchi dine avri e prisa Human Rights Award 2012

Human Rights Awards prisako cermonia
9:23 min

Sar ashundan aratchi ando amaro programmo ke o Europien Roma Right Center njerisarda jek prisa ando Stockholm Human Rights Award. Ame samas pe tan ariate kana von sas te len e prisa ando Berwaldshallen ando stockholmo. Kadja ashundjolas kana e Anne Ramberg kaj si generalno sekretaria pe o advokatsamfundet ando Svedo delas avri o priso kaj o Europien Roma Right Center aj Thomas Hammarberg. Pala o cermonia voj penelas sostar vorta von duj line e prisa.

-Von len e prisa pala lengo sor kaj tode pe o romano manuchengi chachipe de but bersh, von keren jek but drago butchi aj pala kudo ke le rom si le manuch ando evropa kaj sile o maj paro situatsia si but importantno ke si vasdino kado butchi sar vi kerde le duj kaj line e prisa pe jek but lasho moda.

Numa sar acharda o Gergely Dezideriu vorta pala kudo ke vo sas opre pe o stena aj lino e prisa?

-Si jek but drago aljarimos aj loshas ke lam kado prisa. Kado prisa naj ferdi amenge ando organicatzia numa vi si jek prisa kaj sa e romane manuchnge ando evropa. Kado si jek prinjarimos pa sa o butchi so ame kerdam de but bersh aj vi si jek prijarimos e romenge aj lengo situatsia ando evropa.

Aj pe so shaj del kado prisa kaj o Europien Roma Right Center pe maj angle vo kadja penda.

-Me gindiv ke kado shaj del ame jek lasho anav sar jutitororia e romenge aj vi sikavel ke ame keras jek proffesialno butchi aj del ame jek but lasho prijarimos pe amaro butchi.

Numa nas savore kaj sas sa kadja loshake sar o cherutno ando Europien Roma Right Center, ame araklam o rom Fred Taikon kaj si o cherutno ando È Romani Glinda aj vo sas korkoro rom ando sa o sala aj vi dikesas ke sas jek tristo muj pe leste aj penelas amenge sostar sas kado.

Sar ashundam o Fred te penel pesko parimos ke naj dosta rom amime ando jek kasavendar baro divano so sas vasdino opre pe o stena ando Berwaldshallen aratchi. Numa vi penda ke raduilas ke o Thomas Hammarberg las e prisa. O Thomas Hammarberg si jek manuch kaj kerda but bucthi e romenge vi ando Svedo aj ando sa o Evropa. O Thomas Hammarberg sas jek kaver fjalo dikimos pe kado prisa aj o divano pe so von lino e prisa.

Vos hi toda pra baro sork e vo njerisarda kado prisa numa majbino penelas ke kado divano pe sar si e situatsia e romnge ando Evropa si inke jek paro aj baro puchipe.

-Mange inke si ke le manuch kaj vasden kado puchipe musaj te dikel e parimata kaj inke si karing e rom ando sa o Evropa. Inke si but diskriminatsia aj vi ke le rom si shudine avri anda lengi kera aj naj dosta jutipe karing e nasvale. Vi musaj te avel but maj mishto le sakonoria pe e manuchgi chachipe e romenge. Vo vi penel ke inke chi arisle dosta dur ando puchimata te shaj avel jek dosta kalmo situatsia e romenge ando Evropa.

Vo majdur penel amenge pesko gindoria pe o Europien Roma Right Center kaj njerisarde e prisa lesa andektan.

Vo penel ke sas pashe lentsa ando lengo butchi aj ke vo korkoro sas te alosarel le len te len kado prisa. Vo penel ke trubul jek organisatsia sar von kaj keren jek but lasho butchi e romenge ando Evropa.

Numa vi sar penel ke von keren jek dosta lasho butchi vi bodelpe aj penel ke e futura e romenge ando evropa marshol ke si te avel jek but but paro situatsia pe maj angle.

-But pares ditchol ke pra but anda e romano glati chi jan andi schkoli vaj si but pares pala o but mobbing aj anda kudo von si todine ando specialno schkoli kaj chi den dosta sicharimos lenge. Kado vi keren ke von aven handikapime pe o butchiako marketo aj kado si variso so trubul te parudjol.

Sar von kado penelas musaj sas te janas sar vo kamel vaj sar vo gindil ke kado shaj parudjol ?

-Me gindiv ke o grundo karing kado si ando kudo ke e majoritetno manuchenge si pra surale negativno gindoria karing e rom aj kado si o pervo problemo te avel lashardo majdur penel ke e situatsia ando evropa so si vasdino karing e rom chi jutil ando kado aj ferdi kerel e situatsia but maj paro e romenge.

E prisa aj o gindo e prisasa si jek but shukar djela numa e chachi situatsia e romenge ando Evropa naj jek shukar djela. E butchi so o Thomas Hammarberg aj o Europien Roma Right Center keren si jek but shukar djela numa inke arisas kaj o punkto ke si jek paro situatsia vi pe maj angle e romenge ando Evropa…..

Te si romale ke si tume gindoria pe so tume ashundan ramon amenge jek mailo aj vulaven tumare gindoria pe kado pe amaro mailo radioromano@sverigesradio.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".