Buciake Uni ando LO del vast pe buciakipakta

Sako starto terno so si tela 25 bersh si bi buciako ando shvedo thaj de khatar jekh bersh kerdas o LO buci kusa o regeriungo te avel jekh nevi buciaki pakta te birin e terne te den pe avri pe buci.

Akanak mezij pe ke e pakta nakhel perdal, arachi das o regeriungo vast pe propozalura so o LO das.

SVT phenel ke but anda e buciake uni sas anglunes skepticne khaj kadal propozalura thaj po agor phendas feri jekh unia Transport ke von chi kamen te den vast pe kado anda kodo ke o regeriungo kamlas te malavel tele e differentne kosti khaj e A-kassa.

Sa e kaver phende ke kamen te tordjion pala o propozalo.

LO kamel akanak te startulij kadal bucia aba pala nevo bersh, phenel o sherutno anda LO Karl-Petter Thorwaldsson khaj o SVT.

Akanak si vi o finansministro Anders Borg loshako khatar kadi buci so naklas perdal mashkar o regeriungo thaj LO.

Kadi buciaki pakta avla kade ke e terne birina te keren buci thaj te studiolun te khatar e vrama so von phiren po gymnasium.

Tela jekh vama pe 6 shon si o terno te birij te kerel pe praktika thaj te lel pe pocin kusa 75 % anda o chacho pocin, kadalesa pacalal pe ke karring 50 000 neve buciara avna andre ande buciako marketi.

Numa akanak vazden vi e kritikura penge glasura opre thaj phenen ke kado avla jekh drom te malavel pe e shoneske pocinimata khaj e manush - lönedumpning.

O sherutno anda LO Karl-Petter Thorwaldsson phenel ke chi trobujas te avel kade ke manush kerna lönedumpning ke kote dikhena e buciake uni thaj ke von chi mukhena pe kodo te avel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".