Zdzislaw Bilicki väzte upp med en far som överlevde koncentrationslägren som ung.

Zdzislaw Bilicki, barilas dadesa kaj nakhlas o dujto maripe

9:58 min

Akanak kana pashon le djes kaj agorisajlas o dujto lumako maripe shunas but historiji manushendar kaj nakhle traginci bajura ande pesko trajo thela kodi vrama.

Butivar kana shunas kadal historiji shaj mezijpe ke chi birij te avel chachipe o choripe kaj so e manush nakhle thela o maripe.

Amenge po Radio Romano si interesno sar sas te baros ande jek familia kana sas dat vaj dej kaj nakhlas o dujto lumako maripe. Vorbijas pa kado, vaj das kado varesosko effekto? O Zdzislaw Bilicki, barilas ande Polska peske dadesa kaj sas huchildo kana sas ferik 16 bershengo katar o SS.

O rom o Zdzislaw Bilicki, phenel amenge ke dosta cszasto vorbijas lesko dat pa kodo so nakhlas kana sas terno ande koncentracijni lagera. Thaj phenel ke unji historiji kade zurales tragidnij ke pharesij manusheske te pachal. 

Shela ezera manush ashile dukhade pala e dujto lumako maripe, thaj dicholas kado pe narodo phenel o Zdzislaw. Thaj phenel ke o effekto e marimasko chi ashilas ferik pe kodol kaj sas ando maripe, ferik inkherdas vi jek generacia majdur kana avel kaj le shavora kodolenge nakhle kado. 

O rom o Zdzislaw Bilicki phenel ke kana pashol o förintelsedagen o djes kaj vazdinoj te seras o dujto lumako maripe thaj le manushen kaj mule thaj nakhle intrego choripe, phenel ke mindik varesar ashel leske kodo so vorbijas lesko dat kana vov sas terno. Thaj vi phenel amenge ke zurales importatnoj te phenas majdur kadal historiji amare shavorenge ke kado si jek importatno kotor anda amari historia.

Fundo pe amari journalistiska si te avas neutralne thaj te pachan pe amari buchi. Sveriges Radio si neutralno thaj chi ljol rig andi politika, religia, ekonomia vaj varesave oficilane prvatne njerimta.
Du hittar dina sparade ljud i menyn under Min lista