Jek anda le klichki so o Jonny Ivanovitch boldas ka romani chib
nationalno

Jonny Ivanovitch si dejaki chibaki sikamnitoro andi romani chib

"Dejaki chibako djes"
6:22 min

Adjes si o modersmålsdagen vaj o djes e dejako chibake ando Shvedo, si jek rom savo buchol Jonny Ivanovitch aj sas de desh bersh jek sikamnitoro ando romanes so si e dejaki chib e romenge.

Les siles karing le desho panch schkoli ando Stockholmo kaj voj jal aj sicharel avri romanes sako djes, vo tradel e matora karing le panvardesh aj shovardesh kilometri sako djes ka differentni schkoli te shaj arisel ka lesko studentoria. Pe sar marshol leske jek normalno djes vo kadja penda amenge.

Lesko klichki savo vo hasnil kana vo jal te sicharel le glaten vo korkoro ramosarda le ke naj schkolaki litteratura vaj kenyvi savo vo shaj hasnil. Tala le desh bersh savo vo kerda butchi kadalesa vo skirisarda karing le efta klichki so vo shaj hasnil.

Lesko butchi si lungo djesa aj but extra chasori te kerel korkoro sa le materialo numa si kado värt leske te kerel kado pala kudo ke but manuch penel ke chasvol e romani chib, si kadja ke chasavol e romani chib?

Sar ashunen vi o Jonny penel ke but anda e romane glati chasaren pengo chib. O Jonny siles karing le panvardesh studentoria akana savo vo sicharel e romani chip. Ame araklam jek tjejori aj puchlam latar majbut pe lengo hemspråk so sile andi schkola.

Sar ashundan e Nikitake si roligt te pirel pe hemspråk aj vi penel ke majbut sichili tala lako duj bersh so voj pirda pe hemspårk.

Adjes si o modersmålsdagen aj kado djes trubulas te avel jek importantno djes e romenge te vasden aj pala kudo ame puchlam katar o Jonny sostar vo gindil ke kado si jek importantno djes te vasdel

Tume ashunen sar o Jonny Ivanovitch so si jek modersmålslärare ando Stockholmo penel ke si importantno te vasden kado djes aj vi ke si le njamonge responsibilita te den duma romanes le glatenza numa ke le glati den atveto pe shveditsko.

E diskutsia de but bersh sas ke naj ferdi importantno te sichon le romane glati e dejaki chib numa vi ke trubul te avel inklurime e romani kultura andre ando modersmåls sicharipe. So gindil o modersmålslärare jonny pe kado?

Romale ashudan sar vi o Jonny gindil ke kado si jek importantno djes te vasdas aj ke si importantno te avel e romani kultura amime andre ando dejaki chibako sicharipe.

So gindin tume pe kado puchipe aj si tumare glati todino pe romani dejaki chibaki sicharipe varikaj? Skirin amenge jek mailo attunchi pe radioromano@sverigesradio.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".