Susanna Hedman(Mp), lokalno politiker andi komuna Enköping.
Nationalno

But politikanane persone terne thaj djuvlja mukhen piro than andi lokalno politika

Susanna Hedman lokal politiker andi komuna Enköping
6:40 min

But politikanane persone terne thaj djuvlja mukhen piro than andi lokalno politika. Ano Januarai chon, nakhla upasho drom kotar periodi e mandatisko, thaj piro than mukhlje dji ko 2 000 ja se 15 procentia kotar e persone save alosarde e manusha ando alosribe save mukhlje piri buchii ja se misia.  Corresponding-motsvarande cifra kotar o paluno periodi e mandatsiksko sas 12 procentia savo sa alosrade ano alosribe kana sas 2006 bersh.

Akava trendo so mukhen piri buchi, ja se e misia, astarol sa e partien, maj but save mukhen piro mandati si andi partia Sverigedemokraterna. Dji ke 47 procentia save sas alosrade, mukhlje pire thana ando kommunfullmäktige.

Palal ljende avel e Miljöpartiet so ano piro mandati ando lokalno politika mukhlje djik ke 18 procentia. Maj cera djene save mukhen piro than si kotar e Centraprtiet 11,6 procentia, numa e partia sas jek bjaripe so muklje piro than majbut trin var kotar o paluno mandatisko periodi.

Mothol jekh rodipe savo kerda o SR-Ekot so dikhla popashe so ulo e manushenca save sas alosarde- ande valmyndighetens siffror.

Louise Wiberg sas 27 bershengi kana sas alosardi ano 2006 bersh ano than savo akhardol Varas ano kommunfulmäktige e Centerpartiake. Palo pandj bersh so halas chino chi birila te kerel maj buchi, thaj mukhlas i politika.

Chi djal maj dur, phare si te mukhav munger familjia, gindo sas kaj mungri familjia si o angluno prioriteti, numa naj gade. Numa von naj angluno prioriteti kana si tut misia buchi te keres phendas e Louise Wiberg lokal politiker andi Center partiet savi avdive mukhlas piro than.

Vadje si e djuvlja thaj e terne save mukhen piro than ani politika. Sar so phendam sa e partien si akava probljemi, majbut djene save mukhen piro than si kotar e Sverigedemokraterna 66 procentia mahskar e terne dji ke 29 bersh.

E Vänsterpartiet hasrada dji ke 41 procentia thaj e Socialdemokratia 36 procentia save e terne mukhlej piri posta ja se buchi andi politika. Mashkar e regeringoske partie avdive si mashkar e 25 dji ke 33 procentia.

Mashkar e roman naj but save si andi lokalni politika, so kamlo te phenol kaj naj vi but djuvlja save ljen than andi lokalno politika, numa amen geljam andi jekh cikni komuna e anvesa Enköping kaj arakhlampe e romnasa Susanna Hedman savi si andi Miljöpartiet.

Amen puchlampe latar sar voj reaguinol pe akava kaj but djuvlja mukhen piri misia andi lokalni politika?

Nai mishto kaj keren gade, sostar e manush save si alosrade ando alosraibe kotar e mansuha trubun te reprezentirinen ljen, trubul te aven djuvlja, musha saven si chavore, von si e manusha save keren jekh sistemo kaj djivdina. Naj mishto so mukhe e politika.

Savi rensposibilat si la avdive?

Avdive sem sekreterare ando amro lokalno sherutnipe e Miljöpartiake ando Enköping thaj sem ordinarie ano shkolako nämnden tahj ando fulmäktige sar ledarmot. Ano kurko siamen duj truin kedimta naj gade but phenol e Susanna Hedma.

Numa sar voj resol te kerol piri buchi uzalo odova so trail jekh tradiciaonlno trajo thaj si prandimi thaj sila duj chave?

Si but te kerolpe te djinolpe maj angal te dja ande kedimata numa musaj te phenav kaj si vi but pozitivno so lav manca  thaj sikljovav but.

Numa trubul o manush te ljol odoja vrama savi trubl te kerolpe prioritering odoljeske so si but importantno. Mungri familjia gindil mishto so me kerav thaj del man dumo, sar exemplo mungro angluno chavo, jekh var phenda kaj amen nashti marame ivesa andi shkola, mamma vaz o puchibe ando shkolako nämden.

Numa maj anglal geljam odotohar kamljem te puchamen latar sar e roma reagirinen ano Enköping kana ashundje kaj si jekh romani djuvlji ani lokalno politika ?

Me ashunden numa pozitivne bucha thaj me chi reprezentirinav jekh grupa numa me sem alosradi sar individi, numa va vazav vi e romane puchimata kobor shaj te me kerav.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".