Linköping kommuna si jekh anda e 5 so del dosta informatcia pe romani chib.
Radio Romano

Naj but informatcia romanes ande kommuni

"Naj dosta info"
6:05 min

Radio Romano vorbisardas khaj e 5 pilotkomuni so si ande e shvedoski strategia pe romani inkludatcia ando shvedo.

Ame vorbisardam khaj Luleå, Malmö, Helsingborg, Göteborg thaj Linköping te dikhas vaj von den varisavi informatcia pe romani chib pe peski internetoski patrin. Luleå, thaj Göteborg chi skirisarde kanchi pe pesko web.

Malmö thaj Helsingborg skrin minimalno pe peske riga thaj ando Helsingborg naj kanchi planovano e maj pashe vrama.

Linköping si jekh anda e 5 kommuni so skrij informatcia pe romani chib pe peski internetosi rig.

Eva Karin Strands Wots so si infomaster po Linköping.se phenel ke kado nas lenge phares te shion pe pengi rig po internet ke ando Linköping trajin but rom thaj ke e romani chib si jekh nationalno minoritetno chib ando Shvedo.

Kado ke naj informatcia pe romani chib pe e differentne kommuni ando Shvedo naj specificno pe e pilotkomuni. Kana o Språkrådet kerdas jekh baro dikhipe pe sa e shvedoske kommuni pa e informatcia pe lenge riga nas chi jekh anda e kommuni so skrijas informatcia pe romani chib phenel o baki Hasan anda Språkrådet.

Baki Hasan phenel ke phares si a informatciasa pe romani chib pe kommunalne riga numa ke si maj feder pe e themeske/drzavake internetoske riga pe romani chib.

Språkrådet chi birij te kerel variso zorasa te keren e kommuni variso penge righanca von birin feri te pushen e kommunen vaj len si informatcia pe romani chib thaj kodolesa te vazden ghindo khaj e kommuni te keren von variso pe romani chib.

Numa e rom trobun korkori te keren jekh reaktcia ande penge kommuni te avel maj but informatcia pe romani chib ande e shvedoske kommuni.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".