Foto: Henrik Montgomery/Scanpix.
nationalno

20.000 ternimata shoha chi lenna buchi

Karing le 20 000 ternimata maskar le 16 zi kaj le 19 bersz rizikulin te pheren ande kasavi situacia, ke shoha chi avla le buci, kado varning den le sherutne anda Arbetsförmedlingen aj anda Skolinspektionen.

Le sherutne anda arbetsförmedlingen aj anda skolinspektionen skirin ke kadi siffra kade uchij ke ash daravnij. Aj kado skirisarde von pe e debatt righ anda Dagens Nyheter.

Von vi pennen ke kado si sar jek misslyckande vi le ternenge aj vi le themeske. Aj anda kado kamen von te shon maj but zor pe le ternimata kaj chi piren ando gymnasium aj kas chi naj bucha.

Andek rodipe kaj e Anne-Marie Begler kerdas aj kaj muklas kaj o regeringo adjes, skirijpe paj ek proposalo, ke musaji te aven maj aktivni aj te roden te araken le ternimaton aj te den le possibilita te len zutipe. Jek kaver proposalo si ke o Arbetsförmedling musaji te del zutipe maj siggo sar kaj kerel adjes.

Sar von kado te keren, skirijpe ke shaj dinnov le ternen ande peske 16 bersz kaj si jek buciaki praktika maj siggo.

Solduj kadal instansura acharen ke e buchi kaj le kommunura keren karing kasave ternimata naj dosta lashi.

Ande uni kommunura shaj lel zi kaj o bersz ak dopasz zipun varekon kontaktulij le ternimaton kaj chi piren ande skola, skirij e Bermudez Svankvist aj vi e Begler ande gazeta Dagens Nyheter.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".