Resandemanuch andektan kon o Shveditsko Kangeri aj Ärkebiskop Anders Wejryd keren kangeri pe kurko
nationalno

Resanderom keren kangeri aj exebitzia andektan kon o Ärkebiskop pe kurko ando Göteborgo

Resandemanuch-Shveditsko Khangeri
5:49 min

Pe kurko o 24 februari si te avel jek gudtjänst ando Högsbokyrka ando Göteborgo so si jek anda e Svenska Kyrkans kangeria. Kado gudtjänst si te avel andektan kon le resandemanuch anda Shvedo aj si te avel vi jek exebitzia pa o resandefolket. Numa o specialno karing kado gudtjänst si ke kado si te avel boldino pe svensk-romani, aj pe sarta kado si penel amenge o Ärkebiskop ando Shvedo Anders Wejryd kadja.

Kado si jek lokalno disitsia lino ando Göteborgo aj mange si kado jek importantno djela te avel vasdino. De desh bersh parpale sas jek kasavendar djela vasdino numa nas inkerdo pe maj angle. But rom si amime ando Shveditsko kangeria numa kam si kaver so kamen te aven vi von amime aj kataka si lengo chanza te keren kudo.

Majdur penel o Ärkebiskop Anders Wejryd ke importantno si e Shveditsko kangeriake te aven påminime ke naj ferdi e manuch kaj aven sako kurko ando kangeri so beshen pe o tan kaj si o kangeri numa si majbut manuchen save beshen kotche.

Majdur vi penel ke loshako sas kana la o puchipe te avel ka kado gudtjänst ke vo kamel te lel majbut janglipe pe le rom o resandefolket aj vi ke importantno si ke o Shveditkso kangeri vasden e romen.

Vo penel ke lesko rola tala kado gudtjänst si te avel te vorbil pe sar o del dikel sako jek manucha sar jek individo aj chi dikel le manuch sar differentni etichno gruppi aj kudo si jek importantno puchipe so vo kamel te vasdel maschkar le rom aj gaje so aven pe kurko ando kangeri.

Importantno sas te penel ke kado naj jek teatro so kerel o Shveditsko kangeri numa kado si chachimasa jek personalno intereshno so si les aj so si leske importantno.

Ashundam sar si kado importantno vi e Shveditsko kangerikae aj vi ka o Ärkebiskopen Anders Wejryd numa sar reaktulin e resandefolket kana von ashunen ke sit e keren kado gudtjänst aj exibitzia ando Högsbo kyrka ando Göteborgo? Ame puchlam kado katar o resanderom Robert Brisenstam

Le Robertosko pervo reaktsia si ke kado but drago aj ke vi jek shukar djela si kado katar o Shveditsko kangeri te anen andre e romen ando lengo kangeriako butchi. Aj vi leske but drago ke vasden e dialekta ando gruppa rom savo si akardo svensk-romani.

Numa vo vi majdur penel ke vo chi janel vorta sode manuch si te aljaren e chib svensk-romani ke vo penel ke but chasajlo lengo chib tala le ultimo bersha numa varikaj sa jek gindil ke kudola kaj ashunde aj vorbisarde kado chib site aljaren so si te avel boldino ando kangeri.

Pe agor penelas amenge o Robert Brisenstam so vo gindil ke kado si te del e resandemanuchenge.

Me gindiv ke vi si jek chirdimos karing e kristiansko patchaipe katar le manuch numa me vi gindiv ke kado majbut si jek djela ke si le resande manuch vasdino katar o Shveditsko kangeri aj kado si sar jek erkännande legne aj vi karing lengi chib so si jek rig anda e gruppa rom.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".