Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Radio Romano

Biblia pe lovaritsko dialekto

Lovaritsko Biblia
7:15 min
Weszo Kwiek boldel Biblia, pe chachi rig Biblia po Kelderash

Weszo Kwiek si jekh lovaritsko rom so si 35 bershengo, vov kerdjilas frälst thaj las te trajij jekh Kristianitsko trajo de 15 bersh kodolestar thaj kerdjilas vi jekh pastoro de 8 bersh kodolestar.

Vov ginavlas e biblia pe differentne romane dialektura thaj achardas ke vi te sas e biblia pe romani chib sas voj pe jekh kaver dialekto thaj kodolesa acharlas vov ke kado sas leske ekcera strejino.

Vov acharlas e religiozno vorba numa kamlas vi te boldel e biblia pe lovaritsko dialekto te birin e lovaritska rom te hasnin jekh biblia pe pesko dialekto te birin te len e develski vorba maj pashe peste phenel o Weszo Kwiek.

Kana o Weszo Kwiek vorbij pa pesko pacape thaj pa e buci so vov las te kerel diciol pa leste ke leske kado si vazno thaj drago. Jekh baro entusiasmo si ande leste thaj kado sikadjiol pe.

Vov djanel ke phari si e buci a boldimasa a biblasa ke e chib si phari ande biblia thaj vazno si te avel jekh achardi lovaritsko chib so si korrektno ande e lovaritsko biblia. Anda kodo inkrela vov jekh referens gruppa so birija te zhutij les ande e romani chib.

Akanak kerel o Weszo Kwiek buci, 10 chasura ando kurko kusa e translatcia thaj o pocin lel vov khatar o Svenska folkbibeln khaj tordjiol pala lesko dumo kadala buciasa.

E buci cirdela pe jekh vrama numa o Weszo Kwiek phenel ke vov mukhela boldino materialo maj sigo te birin e rom te ginaven lovaritska bolde kapitlura anda biblia.

E Weszos si jekh vizia kadala bibliasa so vov boldel pe lovaritsko dialekto, vov djanel ke phares si te ginavel pe e romane chiba thaj anda kodo kamel te mukhel kadi buci maj angle vi po audio te birin te manush te shunen e religiozne vorbi pe lovaritsko dialekto.

Vov djanel ke e buci si bari thaj lela lungo vrama, na feri e boldimasa pe e vorbi feri vi e skirimasa thaj anda kado alosardas vov te skrij e lovaritsko biblia kusa o shvedicko alfabeto thaj chi skrija e biblia kusa o internationalno romano alfabeto.

Kana kerel pe jekh boldipe jekh translatcia pe jekh pindjardi kevnia lel kado jekh lungo vrama thaj o Weszo phenel ke dosta but bersh djal kadi buci, thaj atunci shaj te malavel o ghindo ande jekhe manushesko shero ke shaj te kerel pe lashie love pe kadi translatcia thaj shaj kam vi te barvajvel pe pe kadi buci.

Weszo kerel anda Shero ke kade naj thaj phenel ke chi birij pe te barvajvel pe, pe kadi buci.

Vov phenel vi kodo ke vov aba kerlas kadi buci maj anglal bi pocinimasko.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".