Foto: John Shearer/Scanpix.
nationalno

Svedo las Oscar!

O Svedo o Malik Bendjelloul las kadi rachi jek Oscaro anda pesko kinno ”Searching for SugarMan”, Oh boy! Najis tumenge tsipijas vov. Aj inke duj svedura sas opre vazde anda kodo ke kerde o audio po kinno ”Argo” kaj las o Oscar ande kategoria o maj lasho kinno.

O Sveditsko filmare o Malik Bendjelloul las jek Oscaro pe kategoria maj lasho dokumentär, arachi kanna sas e Oscargala ando Los Angeles.

Kado si o angluno razo de anda 84 bersz kaj jek Svedo lel jek Oscaro. Atunchi ando 84 bersz las o Ingmar Bergman star statuja anda pesko kinno o ”Fanny & Alexander”

”Searching for SugarMan” pennel e historia pa e amerikantisko muzikanto o Sixto Rodriguez kaj chinna chi zanelas pa kodo ke vov ande Sydafrika sas jek baro pinzardo artista. Leski dzila kerenas piratkopiera aj kade vi kerdzile leske dzila importantni le parne anti apartheidaktivistonge, kaj gindonas ke o muzikanto mulas. Chachimasa trajij o Sixto Rodriguez jek garudino trajo ando Detroit.

O kinno kerdas regissera o Malik Bendjellou aj kado si lesko angluno chacho lungo kinno. O 35 berszengo kaj trajij ando Ängleholm kerlas maj anglal buchi po programo ”Kobra” anda SVT.

O Malik Bendjelloul las o Oscaro karing le 4 de tehara, aj o Ben Affleck das les e statuj.E Oscarsgala das po agor kanna dinne o Oscaro anda kadale berszesko maj lasho kinno, aj kado las o kinno ”ARGO” kaj o Ben Affleck kerdas.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".