Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Alliansa khiddel pe ando Maramö

Aliansa "2.0"
4:47 min
Annie Lööf akharel e manushen peste te vorbin pa "alliansen 2.0" Foto: Henrik Montgomery/Scanpix.

Adjes muklas o DN jekh artiklo ande gazheta khaj sikavel kodo ke e sherutni ande e politicno partia Centern e Annie Lööf hasarel sympatizatcia khatar 30 procent zhi khaj 24 procenti thaj ke sako dujto ande partia chi pacal ande peski sherutni.

Kado sas sikado pala jekh rodipe so e opinjaki firma Ipsos kerdas po mangipe khatar o DN.

Pasha kado inkrel e Annie Lööf jekh khedipe ande pesko gav ande Maramö khaj voj akarel e sherutnen anda e kaver politicne parti so si ande Alliansa.

Fredrik Reinfeld (M), Jan Björklund (FP) thaj o Göran Hägglund (KD) aven te vorbin pe ketanes ande Aliiansa sar te vazdel pe opre e chorre opinjake siffri so KD thaj C sikaven angla o kaver alosaripe.

Pasha kado maladjion von te keraven penge relatci, ke mezij pe ke von chi inkren pe kade mishto khetanes, thaj mezin maj but khine sar zurale, phenel e Heidi Avellan so si politicno redaktori pe oberoende liberala Sydsvenskan.

Milaje akardas e Annie Lööf savorren anda Alliansa te aven ande Maramö te keraven jekh nevi alliansa khaj bushiola "Alliansen 2.0". Annie Lööf phenlas atunci ke trobujas maj but reformi ande Alliansa thaj kado vazdas reaktcia mashkar e kaver.

Akanak 8 shion pala akharipe maladjion von khetanes adjes.

Ambitsia kadale khiddimasa si kodo te kerel pe kodo so e purani sherutni anda Centern kerdas e Maud Olofsson ando bersh 2004 ando Högfors.

Voj akardas savoren peste ando gav Högfors thaj kerdas e alliansa thaj pala kado khedipe njerisarde von o alosaripe ando bersh 2006.

Adjesutno khedipe so Annie Lööf inkrela avla kaver karakterosa phenel e Heidi Avellan ke e cine parti musaj te keren variso te birin te vazden pe opre ke o C thaj o KD si ande chorri situatcia pala e palune opinjake rodimata.

E parti ande alliansa trobun akanak te dikhen perdal pengi politika ke sar si akanak shaja e partienge alosara te alon pe varikon kaver ande alliansa thaj te avla kade ke e Moderaterna lena bute alosaren khatar o C thaj o KD shaja kodo te kerel ke e cine parti anda Alliansa perna avri anda riksdagen thaj kodo kerla ke e alliansa perla ando alosaripe.

Te alosarna e moderaterna te vazden pe opre shaja e kaver parti te hasaren but anda penge alosara thaj te alosarla e moderaterna te na sikaven pe but shaja von te peren ando alosaripe sar e Socialdemokraterna kerde ando bersh 2006 phenel e Heidi Avellan maj dur.

Akanak ashiol jekh puterdo pushipe so kerla pe kusa e alliansa thaj lengi politika, kam avla jekh atveto pala adjesutno khedipe ando Maramö khaj e Annie Lööf thaj te avla kado khedipe jekh drom khaj jekh nevo njerisardo alosaripe shaja feri e vrama maj angle te sikavel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".