Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

O regeringo kamol te lundjarol e obligacia e chavorenge save alje neve ano Shvedo

Publicime tisdag 26 februari 2013 kl 10.37
O regeringo kamol te lundjarope e obligacia e shkolaki e neve neshutnenge
(6:27 min)
IVIK — introduktionskurs för invandrare inom det individuella programmet

O regeringo kamlo te lundjarol e obligacia (skolplikten) thaj te kerolpe prioritering e predmetiske shvedsko chib, te shaj e chavore save alje neve (nyanlända) keren poshukar rezultatia. Te lundjarolpe e obligacia (skolplikten) si prekalo o proposlao e chavorenge save alje ani Shvedska palo so pherdje pire 12 bersh, thaj sa dji na gatisarenpe e ciljia e chavorenge save djan andi shkola thaj pherde pire 18 bersh, phenda e edukaciako ministari o Jan Björklund.

Me chi pachav kaj musaj varekas zorasa te cha s te kerol gade, numa me pachav kaj but ljendar ka pachan kaj akava si mishto kaj shaj te avel posibilita te shaj sikljoven maj mishto e shvedsko chib.

Odoljeske sostar o regeringo kamlo te lundjarol e obligacia e shkolaki si kaj e shkolake rezultatia mashkar e chavore kotar e javer them (invandrare) si bi lache. Thaj si vi varesave javer djele, sostar kamolpe te lundjarolpe e obligacia phenol e integraciako ministari o Erik Ullenhag.

Odolejstar so but ljedra si ande bersha kana alje ando shvedo, thaj vi kaj but ljendar aven kotar e thema kaj e edukaciako sistemi na funckionisinol so sas maripe. 

Odova so amen shaj te dikha si kaj but ljendar aven kotar e thema kaj si bi lacho shkolako sistemi. Javer si kana aven kotar jekh shkola andi shvedoski shkola. Thaj vi javer si kana nashen kotar o bi lachipe, marimata thaj san sar nashutno ane but bersha thaj chi sas tu shaipe te dja andi shkola, akava si so parosajlo.

Amen si maj but chavoren save chi gelje andi shvedoski shkola sar trubulpe, se so samen anglal varesave bersha. But ljendra save avilje kotar e Somalia thaj Afganistan alje kotar jekh situacia kaj chi saljen jekh shkola kaj te djan. Te avilje sar 5 ja se 6 beshenge ljenge ka djal mishto ando Shevdo, shaj te resolpe e chavoren save djan ande shvedoske shkole.

Numa te aviljan sar 12 ja se 13 beshengo musaj ando grundo-fundo te kerolpe reforme sar amen adjukera akalje chavoren save ka djan andi shkola. Prekalo o proposalo e neve chavore save avilje ando Shvedo te djan andi shkola musaj sig posig te aven andi ordinarie edukacia. Khoni naj musaj, te djal majbut se jekh bersh ande gatisaripaske klase, pheno o Erik Ullemhag. 

Me sar dikhav si kaj but chavore djan lungo vrama ande gatisarimaske klase. E neve regulia phenen kaj numa jekh bersh te djalpe ande gade klase thaj fokus te avol e shvedoski chib. Thaj majmishto ka avel palo akava bersh te djalpe ande regularne klase.

Mange naj mishto kana dikhav kaj e chavore save neve alje ando shvedo djan lungo vrama ande gatisarimaske klase. E neve buchako regulo ka avel maj hachardo thaj normalno te avel numa jekh bersh te djalpe ande gatisarimaske klase thaj me pachav ka si dosta jekeh 12 beshenge chavoreske pheda e integraciako ministari o Erik Ullemhag.

E Fatima Bergendal sikavni e chavoreneg save aven ande gatisarimaske klase andi komuna Halmstad, phenol kaj naj dosta jekh bersh e neve chavoreneg save aven ando Shvedo, voj gindil kaj ljenge trubul majbut vrama di ke djan ande ordinarie klase e shkolake.

Voj phenol kaj but importantno si te sikjlon e shvedoski chib, te shaj kana djan ande ordinarie klase hacharen e javer predmetia save sikljon se svako predmeti isilje piri chib, phenda e Fatima Bergendal sikavni andi komuna Halmstad.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".