Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
O duho savo nashavdilo 3- kotor
O duho savo nashavdilo 3- kotor

O duho savo nashavdilo 3-kotor

5:54 min

I Magdalena ljilja te ingarol khere e chijen ano khere pashe i khangiri. Lake ko drumo o tikne chija phenena sar o popo ano odova kher mudardja pe romnja.

But bersh napalal, thaj kaj oj akana ustol sar duho. Odothe diklje thaj sar o pani djala kotar o plafoni , thaj sar ashunena jekh daravni vika kotar o phurano kher.

3-kotor

I tikni doldjape kana te na ashunol i vika savi avola kotar o dujto sprati. Jek dukavno zvuko-vika sar kotar o phage zvonia e khangirake. Sar pashovava akalje vikake.

O tikne chija hem mi djuklji e Tuja phirena palo mande, sar ukljova po hari ko stepenice ashudjola telal amare pre disavo zvuko, hem ashundjola sar te phen djiko vikinola amen....Ava...... Ava.

On avena palo mande. A me djava palo zvuko. Savo andja man dji ke jekh phanlo udara. -Savi itani akija soba? puchljum me. -Nisavi, phendja mange e bari chaj.

Akate itani e garderoba akana, angljeder hine o kupatilo akate. Akate kaj oj mulji. E poposki romni. Odoljeske itano sapano plafoni.

Uzalo odova kaj niko na ne odothe! - Garderoba, dindja vika i pobari chaj, Chutin but vakere. Dosta ma rov vise. (phendja pe phenjake)

- Akana ljiljampe te vakere kotar e poposki romni. Me ljiljum kotar lako vas i lampa, te dikav lako muj hem jakha. Ali oj ni na phanlja pe jakaha.

- Oj pelji telje, phenol i chaj sa zora.

Thaj akava kerdilope but bersha angljeder. Puzandja ano ljedo thaj chalavdja pe ano shero. Thaj adjukha pelji ano nesvest. Andjela ano kher thaj chichela ano kreveti. Oj nikand na ushtilji.

O popo andja jekhe doktorica, savi thovdjala hem pravardjala uzalo odova kaj oj samo sovola. Palo jekh vreme i doktorica thaj o popo mothovdje kamipe jekh jekheske. On ljiljepe kan te na denla te hal hem te piol te merol, ali oj palje na mulji. Nakhlje but bersha. Oj phanda hine djivdi.

Ko krajo o popo tasvadjala ani kada ano pani. Alji nashti tasavdjala. Kana vazola la upre oj phnada phurdola, dishinola. Ali popo chichala adjukah ano grobo thaj prandindjape e doktorica.

Kotar odova vreme uvek itano sapano akava than. Uzalo odova kaj kerdje o kupatilo ko javer than thaj kaj chiche neve ploche. But putia o papo phendja. I fleka uvek avol napalal. Uzalo odva kaj me na dikhljum sar djal o pani telje.

Oj achilji thaj na vakerola, dikhola pe mande intesivno. Uzalo odova kaj i lampa djal lake ano jakha, lake na smetinola.

- Dara tu kotar o duhia? puchlama oj. - Sa jekh itane sar o manusha sar o duhia, phendjum lake me. Disave itane daravne. Disavendar musaj e arakhe tut. Thaj adjukha me pravdjum o udara e garderobako. Me na mangljum te dikhen andre o chija.

Te hine djiko andre, thaj chache hine diso andre. Na hine garderoba, uzalo odova so zumavdje te keren diso javer, palje dichola sar jekh kupatilo. Thaj ano mashkar hine jeh phurani kada.

Thaj hine pherdi pani savo perol telje ki phuv. Ki djama hine thardi jekh memelji. Thaj ano pani pashljola jekh manushni. Lake kalje bala peren pe late sar te phene bezeha pe lako parno trupo.

Lake naja-ljispe hine kalje thaj lunge sar churika. Laki plavo thaj shuvlji chib huljola thaj ikljola kotar lako muj. Kotar jekh drom vazla hari pe vasta. Lake vasta najona ano pani sar mache, savi oj vazla ljen upre prekalo o plafoni. Numa phanda lake jakha hine phanlje.

Me darandiljum hem phanljumo udara. - Na ne niko odothe, phendjum me daravne. Na ne sostar te dara. Numa kana me irindjuma o chija na hinen odothe. Ni mi djuklji e Tuja.

Numa me ashundjum e tikne chija sar rovol. Thaj po hari huljava telje o stepenice. O udra ano podrumi hine pravdo. O rojbe hine baro thaj daravno so ashunava ano podrumi, Na me na djav andre na ne shansa....

Numa kana ashunava sar bashola mi djuklji e Tuja, thaj hachrdjum kaj na nema so te birinav musaj te huljav andre?

Maj but katar e Kultura

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".