e dada thaj e deja keren jekh segregatcia kana von paruven e skola. Foto: Ingvar Karmhed

Studia sikavel ke alosaripe shaj kerel segregatcia

Segregatcia
4:09 min

Akanak sikavel jekh nevi studia anda e duj universitetura Stockholm thaj Uppsala ke e fria skolvalet,
o puterdo alosaripe khaj e data thaj e deja birin te roden than ande savi skola von mangen kerel ke kerdjiol jekh maj bari segregatcia mashkar e studentura.

Bo Malmberg si proffesori po Kulturgeografiska instutitionen po Stockholms universitet, vov phenel ke e manush so alosaren e skoli so si maj dur khatar e segregovane thana si butivar anda e mashkarutni klassovo gruppa thaj phenel ke von keren kado ke von chi kamen lenge chavora te aven hamisle kavere manushenca anda differentne socialne gruppi thaj differentne etnicne gruppi.

Bo Malmberg presentulija pa jekh skurto vrama jekh nevi studia so von kerde ketanes kusa Uppsala universitet ande e projekta "den svenska skolans nya geografi" - e shvedicko skolaki nevi geografia.

Ande kadi studia sas 5000 familji anda 8 kommuni pushle pa penge skolake alosarimata.

Jekh normalno atveto sas e geograficno situatcia te avel pashe e skola e chavoreske, numa e familji so trajinas ande maj barvale thana thaj so sas pashe, pasha maj chorre thana so si maj chorres socialne shutine, phenenas e dada thaj e deja ke e geografia nas vazno.

Ando foro Uddevalla birijas pe te dikhel pe kadi tendensia maj but.

Jekh dej phenel ke voj kamel laki chejori te phirel ande jekh kaver skola ke e shkola si si pasha lende si ande jekh maj chorro than thaj kodolesa pacal e dej ke laki chej chi lela kodo zhutipe so la chaches trobuja.

Kado dikhen vi e sikavne ande e skoli ande Uddevalla thaj e sikavne anda Ramnerskolan phenen ke kado si chorres ke e maj barvale manush chi mukhen penge chavoren lende.

Von phenen ke kado kerla jekh maj bari segregatcia mashkar e studentura so si shvedanura thaj immigrantura ande skola.

Kado chuddij vi duje studenton so phiren ande skola, von phenen ke vi von sitciolov maj feder shvedicko chib te avilov maj but shvedicka raklora ande lengi skola.

Jekh dej so alosardas lako chavoro te phirel maj dur ande jekh skola khaj si but differentno narodo si e Sofie Olofsson.

Voj phenel ke nashtik savorri te alosaren te na mukhen penge chavoren kavere chavorenca anda kaver thema. Voj pacal vi ande kodo systemo ke mishto si kodo ke birij o manush korkori te alosarel skola peske chavoreske numa dikhel ke so maj but alosaren kadale systemosa te na mukhen penge chavoren ande sa e skoli.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".