Socialno sajto Facebook

Len tume sama po Facebook

"Le tut sama"
4:19 min

E policia del varningura krujal ando Shvedo ke but hohajimata kerdjion po internet thaj ke akanak kerdjion zurales but hohajimata po Facebook thaj maj but anda e manush so hohadjion si ternimata.

Torsten Jaeckel kerel buci sar policia thaj kerel buci kusa internetoske hohajimata ande västra Götaland, vovphenel ke but ternimata chi acharen kanchi thaj den pengi informatcia thaj hasaren sa penge love tela jekh sekunda

Tela e 5 palune bersh vazde pe e hohajmiata pe shtarvaleste, khatar 1157 ando bersh 2007 zhi khaj 4076 so sas ande paluno bersh.

Maj but anda kadal hohajimata keren pe pe sajtura sar blocket thaj tradera numa akanak kerdjiol jekh trenda ke e manush hohadjion maj but po facebook.

But manush den pe butivar ghindo ke von chi birin te hohadjion pa internet thaj pa facebook thaj kodo kerel ke kadal manush hohadjion phenel o kriminalno inspektoro Niclas Liner.

Niclas Liner phenel ke jekh pashe kollega lel tusa kontakto pa facebook thaj mangel zhutipe ke leski internetoski dosa khaj lesko banko so phagerdo thaj mangel tutar feri ekcera zutipe.

Thaj kate avel o problemo ke o kodo so si chiro kollega po facebook naj chachimasa chiro kollega.

Kado manush chordas pe andre kerdas kapa lesko konto po Facebook thaj akanak mangel kado manush tutar zhutipe.

Kado hohado kollega mangela akanak zhutipe te kerel logga andre pe pesko banko kusa pesko kodo numa trobuj les zhutipe pa chiri internetoski dosa te birij kado manush te del andre pe pesko konto.

Kana shunel pe kado po sigo chi mezij kado nasul thaj hohajipe numa kado si zurales nasul ke kado so tu kerdan akanak chire zhutimasa si kodo ke tu puterdan chiro konto e manusheske so phenel ke vov si chiro kollega thaj pala 1 minuta chorardas kado hohavno kollega tut pe sa chire love so si pe chiro banko.

Niclas Liner phenel ke kado hohajipe si sar te danas chiri bankoski kija khaj chiro sejfo khaj jekh bandita.

Kana o manush hasardas peske love chi birij pe but te kerel pe ke but te lel pe kadal love palpale ke o banko inkrel jekh kontrakto e manushesa ke chiri privatno bankoski dosa si feri chiri thaj te keres variso so chi trobuj phagaves atunci o kontrakto.

Torsten Jaeckel phenel savorenge te na den kanikaske peske privatne nummera thaj personalne bucia pa internet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".